Chidambaram Ka Edeebi Se Aagrah, Rin Kshamata Doguni Karein

Breaking »

Chidambaram Ka Edeebi Se Aagrah, Rin Kshamata Doguni Karein

Nai Delhi: keindreeya vittamantri pi Chidambaram ne Asiaee vikaas bank (edeebi) se agale das saal mein usaki vaarshik rin dene ki kshamata badhaakar 20 arab dollar karne ka anurodh kiya. ek aadhikaarik bayaan mein kaha gaya ki Kazakhstan ke astaana mein edeebi ke sanchaalan mandal ki 47veen vaarshik baithak ko sambodhit karte hue Chidambaram ne kaha ki sadasya deshon ki vikaas ki jarooratein badi hain aur yeh badh rahi hain. unhonne kaha, pichhle paanch saal mein pichhli saamaanya poonji vruddhi (jeeseeaai) ke baad se saadhaaran poonji sansaadhan (oseeaar) ke tahat edeebi ki vaarshik rin dene ki kshamata 10 arab dollar se 11 arab dollar rahi hai. Hamaare sadasyon ki vikaas ki jarooratein kaafi badi hain aur yeh badh rahi hain. Mantri ne kaha ki vikaas bank ko paryaapt roop se sansaadhan sampann hone ki jaroorat hai taaki vah sadasya deshon ko gareebi se ladne ya dhaanchaagat vikaas jaisi chunautiyon se nipatne mein madad kar sake. Chidambaram ne kaha, is sandarbh mein hamaara lakshya hona chaahiye ki agale das saal mein edeebi apni rin dene ki kshamata doguni kare. Vitt mantri ne aage kaha, main sadasyon se is mudde par ganbheerataapoorvak vichaar karne aur agale das saal mein edeeki ki vaarshik rin kshamata doguni kar 20 arab dollar karne par vichaar karne ka vinmr aagrah karna chaahoonga. Unhonne sadasyon se rin shulkon mein vruddhi par punarvichaar ka bhi anurodh karta hoon. In shulkon par jyaadaatar sadasyon ki aapatti hai. Chidambaram ne kaha, udhaari ke tikaau star (esaelael) ko aay mein vruddhi evam kharche mein katauti ki ek vyaapak rananeeti apnaakar badhaaya ja sakta hai aur ise badhaaya jaana chaahiye. Unhonne kaha ki byaaj daron mein giraavat ke alaava teji se badhte prashaasanik kharche va sthir ya ghatata rin aavantan esaelael mein tej giraavat ki mukhya vajahon mein se ek hai. mantri ne kaha ki vaastavik prashaasanik kharch saalaana 10 pratishat ki dar se badh raha hai, jabki aavantan ausatan keval 6.5 arab dollar rah gaya hai. unhonne kaha, kharch bachaakar ya byaaj aay ke jariye kamaai kar pratyek paisa hamaari vitteeya sthiti mein sudhaar laaega aur isse hamein rin dene mein aur madad milegi. In upaayon par najar daalne ke bajaay bank bhaari virodh ke baavajood rin ke shulkon ko badhaane ka raasta chunata hai. Chidambaram ne kaha ki ek kshetreeya bank ke taur par edeebi ki kaaryapranaali mein uske kshetreeya sadasyon ki aakaankshaaen parilkshit honi chaahiye. unhonne kaha ki bhaageedaaron ko bankon ko apni jimmedaariyon ke nirvahan mein madad ke liye poonji mein samay-samay par yogadaan karne ki jaroorat hai.

Chidambaram Ka Edeebi Se Aagrah, Rin Kshamata Doguni Karein http://www.angrejinews.com/pic/49604