Chidambaram Aaj Shuroo Kareinge Rajiv Gandhi Ikviti Bachat Yojana

Business »

Chidambaram Aaj Shuroo Kareinge Rajiv Gandhi Ikviti Bachat Yojana

Nai Delhi: Vittamantri pi Chidambaram shanivaar ko bahu-prateekshit Rajiv Gandhi ikviti bachat yojana Mumbai mein shuroo kareinge jisse nae niveshakon ko share baajaar mein dhan lagaane ko protsaahit kiya jaaega. Sootron ne bataaya ''Vah (Chidambaram) kal Mumbai mein aupachaarik taur par Rajiv Gandhi ikviti bachat yojana ki shuruaat kareinge. '' varsh 2012-13 ke bajat mein ghoshit is yojana ke tahat share baajaar mein pehli baar nivesh kar rahe niveshakon ko kar bachat ka laabh diye jaane ka praavadhaan kiya gaya hai. Is yojana ke tahat 10 lakh rupaye se kam aay vaale vyakti ko share baajaar mein 50,000 rupaye tak ke nivesh par kar katauti ka laabh milega. Bhaarateeya pratibhooti evam vinimay board dvaara Rajiv Gandhi ikviti yojana ke sambandh mein jaari adhisoochana ke mutaabik yojana ke tahat kiye gaye ikviti nivesh ko shuruaati ek saal ki avadhi mein becha naheen ja sakega. Iske alaava Chidambaram kal hi nae share baajaar 'Emaseeeks-stock exchange (emaseeeks-esaeks) ke kaarobaari manch ka bhi udghaatan kareinge. Haalaanki, is exchange mein sheyaron ki khareed farokht 11 February se shuroo hogi. Vittamantri 30 sheersh gair banking companiyon ke pramukhon se bhi mulaakaat kar sakte hain aur is dauraan vah buniyaadi dhaancha kshetr mein rin, badhte NPA aur reserve bank dvaara nai ikaaiyon ko banking license pradaan karne ke sambandh mein charcha kar sakte hain. RBI February ant tak nai ikaaiyon ko banking license jaari karne ke sambandh mein antim disha-nirdesh jaari kar sakti hai. Anil Ambani ke netrutv vaale edeeeji, vitteeya samooh Religare aur shreeraam samooh, elaedanti samooh aur aaditya Birla samooh aadi banking kshetr mein pravesh karna chaahate hain.

Chidambaram Aaj Shuroo Kareinge Rajiv Gandhi Ikviti Bachat Yojana http://www.angrejinews.com/pic/1438