Chhuttiyon Ke Maamale Mein Duniya Mein Sabse Peechhe Hain Bhaarateeya Karmachaari Report

Business »

Chhuttiyon Ke Maamale Mein Duniya Mein Sabse Peechhe Hain Bhaarateeya Karmachaari  Report

Mumbai, 21 November (bhaasha) vishv bhar mein bhaarateeya logon ke samaksh avakaash ki sarvaadhik kami hai. Ek report ke anusaar kareeb 75 bhaarateeya avakaash ki kami se joojh rahe hain jabki 41 pratishat logon ko kaam se fursat naheen mil paane ke kaaran pichhle chhah maheene mein chhutti lene ka mauka naheen mila hai. eksapeediya ki avakaash kami report 2018 ke anusaar Bhaarat mein sarvaadhik 75 pratishat log avakaash ki kami ka saamana kar rahe hain. Bhaarat ke baad 72 pratishat ke saath dakshin Korea aur 69 pratishat ke saath Hongkong kramash: Doosare evam teesare sthaan par hai. Bhaarat mein karmachaari apni poori chhuttiyon ka bhi upayog naheen kar paate hain. Is maamale mein Japan, Italy, Australia aur New Zealand ke baad Bhaarat ka sthaan hai. eksapeediya India ke vipnan pramukh Manmeet Ahluwalia ne kaha, ''Humne Bhaarat mein niyoktaaon ki or se avakaash ke maamale mein samarthan ke ravaiye mein vruddhi dekhi hai. Haalaanki, karmachaari ab bhi apni poori chhuttiyaan naheen le pa rahe hain kyonki unhein mahatvapoorn nirnayon se baahar rah jaane ya kam samarpit samajh liye jaane ka bhaya laga rahata hai ya fir unhein apne saathi ke saath ghoomane ka samay vyavasthit naheen ho paata hai. Hamaare adhyayan mein 18 pratishat logon ne yeh bhi maana hai ki jo log kaam mein safal hain ve chhuttiyaan naheen lete hain. '' unhonne kaha ki 64 pratishat bhaarateeya is kaaran bhi chhuttiyaan naheen le paate hain ki chhutti se lautane ke baad unke oopar kaam ka bhaari dabaav ho jaata hai. Adhyayan mein yeh bhi pata chala hai ki 17 pratishat bhaarateeyon ne pichhle ek saal se ek bhi chhutti naheen li hai. haalaanki, 55 pratishat bhaarateeyon ne yeh maana hai ki chhuttiyon mein kami se unki utpaadakata prabhaavit hoti hai.

Chhuttiyon Ke Maamale Mein Duniya Mein Sabse Peechhe Hain Bhaarateeya Karmachaari Report http://www.angrejinews.com/pic/236138