Chhattisgarh Kathit Roop Se Cheentiyon Ke Kaatne Se Mareej Ki Maut

Breaking »

Chhattisgarh Kathit Roop Se Cheentiyon Ke Kaatne Se Mareej Ki Maut

Raayapurachhatteesagadh ke Korea jile mein sarkaari aspataal mein bharti ek mareej ki ilaaj ke dauraan kathit roop se cheentiyon ke kaatne ke baad maut hone ka maamala prakaash mein aaya hai. Haalaanki prashaasan ne sthaaneeya media ke is daave ka khandan kiya hai. Raajya ke uttari kshetr saraguja ke Korea jile ke mukhyaalaya baikunthapur ke aspataal mein beete somvaar ko ek vyakti ki mrutyu ho gayi. Social media aur sthaaneeya media ki khabaron ke anusaar jile ke maneindragadh mein is vyakti ko chot lagne ke baad use aspataal mein bharti karaaya gaya tha. Sthaaneeya khabaron ke anusaar yeh vyakti maneindragadh ke aspataal ke saamane achet pada tha. Kshetr ke vidhaayak shyaam bihaari jaayasavaal ke hastakshep ke baad use aspataal mein bharti karaaya gaya tha. Baad mein use jila mukhyaalaya baikunthapur ke aspataal mein bhej diya gaya jahaan uske ghaavon mein cheentiyaan lag gayi theen. Mareej ne behtar ilaaj ke abhaav mein somvaar ko dam tod diya. Korea jile ke mukhya chikitsa evam svaasthya adhikaari SK paikara ne bataaya ki pichhle dinon jile ke maneindragadh ke aspataal se mareej ko baikunthapur ke aspataal mein bharti karaaya gaya tha. Gambhir roop se ghaayal vyakti maneindragadh mein sadak kinaare mila tha. Uske sir par gambhir chot thi. Unhonne bataaya ki baikunthapur ke jila aspataal mein bharti hone ke baad usaka ilaaj shuroo kiya gaya. Mareej ardhabehoshi ki haalat mein tha. Saath mein kisi ke bhi naheen hone ke kaaran usaki saaf-safaai naheen ho paati thi. Paikara ne bataaya ki safaai ke abhaav mein makkhiyaan aur cheentiyaan uske kareeb aa sakti hain. Lekin cheentiyon ke kaatne ke kaaran usaki mrutyu hone ki jaankaari satya naheen hai. Adhikaari ne bataaya ki mareej ke shav ka postmortem karaaya gaya hai. Postmortem report aane ke baad is sambandh mein sahi jaankaari mil sakegi. Haalaanki abhi aisa prateet ho raha hai ki sir ki gambhir chot ke kaaran usaki mrutyu hui hai. Raajya mein svaasthya vibhaag ke mantri Ajay chandraakar ne kaha hai ki unhein is sambandh mein jaankaari naheen hai aur vah jaankaari manga rahe hain. Iske baad hi koi kaarravaai ki ja sakegi. Idhar raajya ke mukhya vipakshi dal Congress ne is maamale mein kaha hai ki is ghatna se raman Singh sarkaar ke behtar svaasthya sevaaon ke saare daavon ki sachchaai ki pol khul gayi hai. Raajya Congress media sel ke adhyaksh shailesh nitin trivedi ne kaha hai ki raajya mein svaasthya sevaaen gart mein ja chuki hain aur raajya ke svaasthya mantri ko is sharmanaak ghatna ke baad pad tyaag dena chaahiye.

Chhattisgarh Kathit Roop Se Cheentiyon Ke Kaatne Se Mareej Ki Maut http://www.angrejinews.com/pic/213531