Chennai Plant Ko Microsoft Deal Se Alag Rakh Sakti Hai Nokiya

Business »

Chennai Plant Ko Microsoft Deal Se Alag Rakh Sakti Hai Nokiya

Nai Delhi mobile haindaset banaane waali Finland ki company nokiya chennai sthit apne bhaarateeya plant ko Microsoft ke saath 7.2 arab dollar ke saude se alag rakh sakti hai. Maaikrosaaft ke saath yeh sauda shukravaar ko poora hona hai. Saude ke baad nokiya chennai kaarkhaane ko Microsoft ke liye anubandh vinirmaan ikaai ke roop mein parichaalit karegi. Is ikaai ko kar vivaad ke kaaran saude se alag rakha ja raha hai. Nokiya ki ek pravakta ne kaha, 'Nokiya yeh sunishchit karne ka prayaas kar rahi hai ki vah shukravaar tak sanyantr aur anya parisampattiyaan Microsoft ko sthaanaantarit kar sake. ' pravakta ne kaha ki haalaanki, yeh kaam kaafi jatil hai. Unhonne kaha,ki is samay jo sthiti hai, use yeh sthaanaantaran tay samayaseema mein hona mushkil lag raha hai. Is maamale se jude logon ka kehna hai ki company is vikalp par bhi vichaar kar rahi hai ki sanyantr ka parichaalan karne ke liye seva karaar kar liya jaae. Aise mein company anubandh par vinirmaata ke roop mein kaam jaari rakh sakegi. Pichhle saal September mein nokiya ne apne upakaran evam seva kaarobaar (Bhaarat mein parisampattiyaan sahit) Microsoft ko March, 2014 tak 7.2 arab dollar mein bechne ki ghoshana ki thi. Baad mein is samayaseema ko badhaakar 25 April kar diya gaya. Saude ke tahat haindaset aur anya sampatti Microsoft ki Finland unit Microsoft mobile ovaai ko saunp di jaaegi. March mein Tamil Nadu sarkaar ne nokiya ko 2,400 karod rupaye ka notice dete hue kaha tha ki company chennai kaarkhaane mein bane utpaadon ko videshi baajaaron mein bechne ke bajaae ghareloo baajaar mein bech rahi hai. Tax ke ek anya maamale mein Supreme court ne 14 March ko nokiya India ko Microsoft ko sanyantr sthaanaantarit karne se pehle 3,500 karod rupaye ki guaranty dene ko kaha.

Chennai Plant Ko Microsoft Deal Se Alag Rakh Sakti Hai Nokiya http://www.angrejinews.com/pic/48500