Cheeni Ko Niyantranamukt Karne Par Faisala 15 Dinon Mein Khaadya Mantri

Business »

Cheeni Ko Niyantranamukt Karne Par Faisala 15 Dinon Mein  Khaadya Mantri

Nai Delhi: Khaadyamantri kevi Thomas ne kaha hai ki kendra sarkaar dvaara 80,000 karod rupaye ke cheeni udyog ko khule baajaar mein cheeni bechne ki svatantrata dene ke baare mein faisala agale 15 dinon mein liye jaane ki sambhaavana hai. Pichhle varsh October mein pradhaanamantri ke aarthik salaahakaar parishad (PMEAC) ke adhyaksh si rangaraajan ki aguvaai vaale visheshagya samiti ne do mahatvapoorn niyantranon ko tatkaal samaapt karne ki sifaarish ki thi. Ye do mahatvapoorn niyantran the - viniymit nirgam pranaali aur levi cheeni daayitv. Iske alaava baaki niyantranon ko bhi kramash: Samaapt karne ki sifaarish ki gayi thi. Thomas ne esochem ke ek aayojan mein kaha, is varsh hamaare cheeni ki sthiti aaraamadeh hai. Rangaraajan samiti ki sifaarishein vibhaag ke samaksh hain. Mera maanana hai ki agale 15 dinon mein ham levi cheeni, nirgam pranaali aur anya masalon ke baare mein koi faisala karne mein saksham honge. Mantri ne aashvast kiya ki rangaraajan samiti ki sifaarishein baaki samitiyon ke sujhaavon ki tarah gambhir sthiti ka saamana naheen karegi, jin sifaarishon ko abhi tak laagoo naheen kiya ja saka.

Cheeni Ko Niyantranamukt Karne Par Faisala 15 Dinon Mein Khaadya Mantri http://www.angrejinews.com/pic/1939