Cheen Ne Bhaarat Se Kaha Vah Uske Naagrikon Ki Suraksha Sunishchit Kare

Breaking »

Cheen Ne Bhaarat Se Kaha  Vah Uske Naagrikon Ki Suraksha Sunishchit Kare

Nai Delhi: Cheen ne raashtreeya rajdhani mein cheeni ladki se balaatkaar ki ghatna ke maddenajar Bhaarat se kaha hai ki vah uske naagrikon ki suraksha badhaae. Cheeni dootaavaas ne Bhaarat sarkaar se ghatna se gambheerta se nipatne aur peedita ki suraksha, kaanooni adhikaaron aur nijta ko sunishchit karne ko kaha. Cheeni dootaavaas ne bataaya, ''7 February ko bhaarateeya sthaaneeya samaachaar mein bataaya gaya ki nai Delhi mein cheeni mahila se balaatkaar kiya gaya hai. Ghatna ki jaankaari milne ke baad Bhaarat mein cheeni dootaavaas ne turant sambaddh bhaarateeya adhikaari se iski pushti ki aur bhaarateeya paksh ko gyaapan diya. Yah is baat ko rekhaankit karta hai ki cheeni dootaavaas is maamale ko kaafi mahatva deta hai. '' Dootaavaas ne kaha, ''Cheen Bhaarat se ise gambheerta se lene, peedita ki suraksha, kaanooni adhikaaron aur nijta ko sunishchit karne, maamale se uchit tareeke se nipatne aur Bhaarat mein cheeni naagrikon ki suraksha badhaane ka anurodh karta hai taaki bhavishya mein is tarah ki ghatnaaen fir se na hon. '' Apni taraf se videsh mantraalaya ne kaha ki police adhikaari maamale se kathorata se niptein. Cheeni ladki ne apni shikaayat mein aarop lagaaya ki us vyakti ne 30 January ko use apne ghar par bulaaya aur uske saath balaatkaar kiya. Cheeni ladki Gurgaon ke farm mein prashikshu ke taur par kaam kar rahi thi.

Cheen Ne Bhaarat Se Kaha Vah Uske Naagrikon Ki Suraksha Sunishchit Kare http://www.angrejinews.com/pic/1439