Cheen Mein Pul Kshatigrast Hone Se 26 Logon Ki Maut

Breaking »

Cheen Mein Pul Kshatigrast Hone Se 26 Logon Ki Maut

Beijing: Madhya cheen mein ek pul ke kshatigrast ho jaane se kam se kam 26 logon ki maut ho gayi. Pul par se pataakhe lekar ja rahe ek truck mein visfot ho gaya, jisse pul aur kai vaahan bhi kshatigrast ho gaye. Madhya cheen ke henaan praant mein bana yah pul aanshik roop se kshatigrast huaa hai. China national radio ki khabar mein kaha gaya hai ki haadase mein kam se kam 26 logon ki maut ho gayi. Sarkaari samaachaar agency shinhuaa ki khabar mein kaha gaya hai ki miyaanchi kasbe mein bane is pul par sthaaneeya samayaanusaar subah aath baj kar 52 minute par visfot huaa, jisse kai vaahan kshatigrast hokar neeche gir gaye. Visfot ke kaaran pul ka 80 meter lamba bhaag dhvast ho gaya. Malabe se chhah vaahanon ko nikaala gaya hai. Yah pul liyaanyugaang khoragaaj expressway ka hissa hai.

Cheen Mein Pul Kshatigrast Hone Se 26 Logon Ki Maut http://www.angrejinews.com/pic/786