Cheen Ki Aarthik Vruddhi Dar Teesari Timaahi Mein Sust Hokar 6.5% Par

Business »

Cheen Ki Aarthik Vruddhi Dar Teesari Timaahi Mein Sust Hokar 6.5% Par

Beijing, 19 October (bhaasha) cheen ki aarthik vruddhi dar mein teesari timaahi mein susti aayi hai. Yeh nau saal ki sabse dheemi dar hai. America ke saath vyaapaar sangharsh aur badhte karj ka cheen ki arthavyavastha par asar pada hai. cheen ke raashtreeya saankhyiki bureau ki or se jaari aakandon ke mutaabik, duniya ki doosari sabse badi arthavyavastha ki vruddhi dar July-September avadhi mein 6.5 pratishat rahi. yeh aankada pichhli do timaahiyon ki tulana mein kam hai. Pehli timaahi mein cheen ki aarthik vruddhi dar 6.8 pratishat aur doosari timaahi mein 6.7 pratishat thi. Haalaanki yeh vaarshik lakshya 6.5 pratishat ke anuroop hai. bureau ke pravakta maao sheingayong ne kaha, "Vartamaan mein cheen ko 'Ghareloo va vaishvik' donon star par 'Kathin daur' ka saamana karna pad raha hai. Jiske chalte cheen ki aarthik vruddhi dar sust bani huyi hai. " America ke saath vyaapaar morche par cheen ka takaraav aise samay hua hai jab cheen ki arthavyavastha badhte karj ki samasya ke saath rin sankat aur aadhaarbhoot sanrachana nivesh mein naakaami se joojh rahi hai. Sarkaar isse nikalne ka prayaas kar rahi hai.

Cheen Ki Aarthik Vruddhi Dar Teesari Timaahi Mein Sust Hokar 6.5% Par http://www.angrejinews.com/pic/229441