Chayan Maamalon Mein Kabhi Hastakshep Naheen Kiya Leander

Breaking »

Chayan Maamalon Mein Kabhi Hastakshep Naheen Kiya  Leander

Nai Delhi: Star yugal khilaadi Leander pace ne shanivaar ko kaha ki unhonne team ke chayan maamalon mein hastakshep naheen kiya aur agar London olympic mein Bhaarat ki sarvashreshth team jaati to padak jeetne ka behtar mauka hota. Pichhle saal London olympic aur ab dakshin Korea ke khilaaf khilaadiyon se jude vivaad ke kaaran Bhaarat ko chayanakartaaon ki pasand ke itar teemein chunane ke liye baadhya hona pada. Pace ne kaha, ''Mere liye desh ka pratinidhitv karna aur desh ke jhande ke liye khelna sabse badhkar hai. Main kabhi chayan maamalon mein hastakshep naheen karta hai. Mujhe jo bhi saathi milega main uske saath kheloonga. Mujhe agar mahesh (bhoopati), rohan (bopanna) ya som (somadev Devburman) ke saath khelne ke liye kaha jaaega to main unke saath bhi kheloonga. '' Unhonne kaha, ''London olympic se pehle bhi mainne kabhi chayan maamalon mein hastakshep naheen kiya. Main kabhi team ke sanchaalan ya chayan mein shaamil hone ki koshish naheen karta. Mere 23 baras ke anubhav ke aadhaar par mujhse poochha gaya tha ki kaun ki jodi sarvashreshth hogi aur mainne apna najariya rakha. '' Duniya ke sabse safal Davis cup khilaadi pace ne kaha, ''Lekin meri pasand ki team naheen bani. Uske baad London olympic mein jo huaa sabko pata hai. Agar behtar team chuni jaati to achhe nateeje mil sakte the. '' Bhoopati aur bopanna ne olympic se pehle pace ke saath jodi banaane se inkaar kar diya tha aur apni jodi banaane ki baat kahi thi. Baad mein AITA ko jhukna pada aur bhoopati tatha bopanna ko ek saath khelne ka mauka mila jabki pace ko vishnu vardhan ke saath jodi banaani padi.

Chayan Maamalon Mein Kabhi Hastakshep Naheen Kiya Leander http://www.angrejinews.com/pic/924