Chandigarh Mein Petrol, Diesel Par Vait Mein Katauti

Business »

Chandigarh Mein Petrol, Diesel Par Vait Mein Katauti

Chandigarh, 17 October bhaasha kendra shaasit pradesh Chandigarh mein kal se indhan ke daam kam ho jaayeinge. Shahar prashaasan ne petrol, diesel par moolya vardhit kar vait kam karne ka faisala kiya hai. Chandigarh prashaasan ne aaj ghoshana ki hai ki diesel athva haai speed diesel par vait ki dar ko 16.40 pratishat se ghataakar 11.40 pratishat kar diya jaayega. Isi prakaar petrol aur braanded petrol par vait dar ko 24.74 pratishat se ghataakar 19.74 pratishat kar diya gaya hai. Chandigarh prashaasan ki yahaan jaari vigyapti mein yeh jaankaari di gayi hai. Sangh shaasit pradesh mein is katauti ke baad diesel ka daam 57.68 rupaye prati liter se ghatkar 55.20 rupaye liter rah jaayega jabki petrol ka daam 2.74 rupaye prati liter kam hokar 65.66 rupaye liter rah jaayega. Chandeegadh kshetr mein is katauti ke baad indhan ka daam aaspaas ke kshetron se sasta ho jaayega. Mohali ke mukaabale Chandigarh mein diesel 2.23 rupaye prati liter sasta ho jaayega. Mohali jila Punjab mein padta hai. Iske saath hi Chandigarh aur Mohali mein petrol ke daam mein 8.11 rupaye prati liter ka antar aa jaayega. Mohali mein is samay petrol ka daam 73.77 rupaye liter hai jabki Chandigarh mein taaja katauti ke baad yeh 65.66 rupaye liter rah jaayega. Baharahaal, Chandigarh prashaasan ke is kadam ko lekar aaspaas ke jilon ke petrol panp deelaron ne chinta jataai hai. Mohali, panchakula, roopanagar ke panp deelaron ka kehna hai ki isse unke kaarobaar par bura asar padega. Bhaasha.

Chandigarh Mein Petrol, Diesel Par Vait Mein Katauti http://www.angrejinews.com/pic/175409