Chai Par Garmi Aur Sookhe Ka Sankat

Business »

Chai Par Garmi Aur Sookhe Ka Sankat

Bikaas Singh, Guwahati tej garmi aur kam baarish se asam mein chai ke praudakshan ko kaafi nuksaan pahuncha hai. Asam desh ka sabse bada chai utpaadak raajya hai. Is saal kam baarish aur garmi ke kaaran chai ki fasal ko takareeban 10 feesadi nuksaan pahunchane ki aashanka hai. Kuchh ilaakon mein keet-patangon ke hamlon se haalaat aur kharaab ho gaye hain aur isse doosari khep ke praudakshan par bura asar ho sakta hai. Doosari khep ka praudakshan May ke pehle hafte mein aata hai aur chai ke kul praudakshan mein iski hissedaari 15 feesadi hai. Is chai ko eksaport kiya jaata hai aur domestik market mein ise premium price milta hai. Pehli khep mein chai ka kul 10 feesadi utpaadan hota hai. Haalaanki, ise bhi nuksaan sahana pada. Kansalteint aur chai ki fasal se jude vaigyaanik prafull boradolaai ne bataaya, 'Rediyeshan aur teinparechar mein badhotri se kai ti estets mein chai ki pattiyon ko nuksaan pahuncha hai. 35 degree celcius se oopar mein chai ki food mainyufaikcharing kshamata mein giraavat hone lagti hai aur 39 se 42 taapamaan ki haalat mein food praudakshan bilkul bhi naheen hota hai. Chai ki pattiyon ka murajhaana ab dikhne laga hai, lekin ise nuksaan kaafi pehle ho chuka hai. ' teen aham ti esosiyeshans ke chai utpaadakon asam ki brahmaputr ghaati ke 5 jilon mein ti estets ke fasal nuksaan par sarve kiya hai. Sarve ke mutaabik, golaaghaat, jorahaat, driboogadh aur tinsukiya jilon mein chai ka saalaana praudakshan takareeban 45 karod kilogram hota hai. Raajya ke kul chai praudakshan mein in jilon ki hissedaari 70 feesadi hai. Haalaanki, chhah maheene se baarish band hone ki vajah se chai ki fasal ko jabaradast utpaadan nuksaan pahunchane ki aashanka hai. Agar ham poore Bhaarat ki baat karein, to baarish saamaanya se 2 feesadi kam hai, jabki 1 March se 23 April ke dauraan asam mein 67 feesadi kam hai. Is dauraan asam mein 64 mileemeetar baarish hui, jabki saamaanya baarish ka aankada 196 mileemeetar hai. Jorahaat ke chai utpaadak prabhaat bejabaruaa ne bataaya, 'Maujooda garm aur sookhe season ke kaaran is fasal ko bhaari nuksaan pahunch raha hai. ' kai ti estets ne pattiyon ko todne ka kaam band kar praudakshan thapp kar diya hai. Daraasal, chai bagaanon mein pattiyaan naheen hain. Dumaduma ke chai utpaadak mayank Agrawal ne bataaya, 'Doosare daur mein pratikool mausam ke kaaran fasal ko jabaradast nuksaan pahuncha hai. ' yeh ilaaka achhi baarish ke liye jaana jaata hai. Chai ki kheti se jude kuchh logon ka kehna hai ki aise haalat pichhle 25 saal mein pehli baar dekhne ko mil rahe hain. Agar aisi sthit barkaraar rahati hai, to May tak chai ki fasal ko 60 feesadi tak nuksaan pahunchane ki aashanka hai.

Chai Par Garmi Aur Sookhe Ka Sankat http://www.angrejinews.com/pic/49042