Censor Vivaad Ke Beech Narendra Modi Ke Daftar Ne Jaari Kiya 'Asanpaadit Saakshaatkaar

Breaking »

Censor Vivaad Ke Beech Narendra Modi Ke Daftar Ne Jaari Kiya 'Asanpaadit Saakshaatkaar

Nai Delhi: bhaarateeya janta party (bhaajapa) ke pradhaanamantri pad ke pratyaashi Narendra Modi ka saakshaatkaar dooradarshan dvaara 'Censor' kiye jaane ki khabaron par jaari vivaad ke beech Modi ke kaaryaalaya ne saakshaatkaar ka asanpaadit tape jaari kar diya hai. saakshaatkaar ko sanpaadit kiye jaane par bhaajapa ka aarop hai ki sarkaar ke 'Dabaav' ke chalte aisa kiya gaya, jabki sarkaari prasaarak ne jor dekar kaha ki na to kisi praadhikaar ka hastakshep tha aur na jaanboojhkar aisa kiya gaya. sarkaar ne is baat se bhi inkaar kiya ki saakshaatkaar ke ek hisse ko kathit taur par naheen dikhaane mein usaka koi haath hai, jismein samjha ja raha hai ki Modi ne yeh kaha tha ki Congress adhyaksh soniya Gandhi ki putri Priyanka Gandhi unki beti ki tarah hai. Sarkaar ne daleel di ki dooradarshan chalaane vaala prasaar bhaarati svaayatt sanstha hai. bhaajapa pravakta nirmala seetaaraman ne ek samvaadadaata sammelan mein kaha, ''Prasaar bhaarati ek svatantr sanstha hai. . . Kaheen se dabaav pada aur saakshaatkaar ko censor kar diya aur ismein kaat-chhaant kar di gayi. . . '' unhonne kaha ki yeh sharm ki baat hai ki jab Congress party abhivyakti ki svatantrata ki baat kar rahi hai, tab censor ke liye bhi gunjaaish bani hui hai aur Congress party is shakti ka durupayog kar rahi hai. . . '' unhonne kaha ki is masale par ya prasaar bhaarati ya soochana evam praudyogiki mantraalaya ko javaab dena chaahiye. haalaanki, dooradarshan ne koi galat kaam kiye jaane ki baat se inkaar karte hue ek bayaan mein kaha hai ki saakshaatkaar ke kisi hisse ka na to jaanboojhkar sanpaadan kiya gaya na use hataaya gaya. Jahaan kaheen sanpaadan kiya gaya, vah takaneeki kaaranon se kiya gaya aur yeh post production ke dauraan hua. Is samoochi prakriya mein kisi praadhikaar ka koi hastakshep ya niyantran naheen tha. dooradarshan ne jor dete hue kaha hai ki saakshaatkaar ko kam tavajjo dene ki koi koshish naheen ki gayi. ''Saakshaatkaar ke aham hisson ka deedi news ki bhi sabhi buletinon mein istemaal kiya gaya. . . '' is beech, soochana evam prasaaran mantri maneesh tivaari ne bhi kaha ki unka mantraalaya dooradarshan ke samaachaar agenda mein koi hastakshep naheen karta. Prasaar bhaarati sansad ke ek adhiniyam se bana ek svaayatt prasaarak hai. (input bhaasha se bhi)

Censor Vivaad Ke Beech Narendra Modi Ke Daftar Ne Jaari Kiya 'Asanpaadit Saakshaatkaar http://www.angrejinews.com/pic/49320