CBI Ne Ki Paarekh Se Doosare Daur Ki Poochh-taachh

Business »

CBI Ne Ki Paarekh Se Doosare Daur Ki Poochh-taachh

nai Delhi CBI ne 2005 mein taalaabeera-too koyala khadaan ke aavantan mein kathit aniyamitata ke baare mein poorv koyala sachiv PC paarakh ke saath shukravaar ko doosare daur ki poochh-taachh ki. Paarakh se guruvaar ko kareeb aath ghante tak poochh-taachh ki gayi thi. Is dauraan unase aavantan prakriya se jude kai savaal aur screening committee ke faisale ko badalne ke kaaranon ke baare mein poochh-taachh ki gayi. Screening committee ne Hindalco ke aavedan ko bhi khaarij kar diya. Poochh-taachh ke baad jab paarakh ne kaha ki vo is prauses se santusht hain. Unhonne apni book mein aarop lagaaya tha ki pichhli baar inspector leval ke adhikaariyon ne unase poochh-taachh ki thi jinhein neeti nirmaan ke baare mein koi anubhav naheen tha. Unhonne kaha tha ki poochh-taachh ka uddeshya samajhna tha. Main unhein samajhaane ki prakriya mein hoon. Unki ek rai hai. Main apna paksh rakhane ki koshish kar raha hoon. Sootron ne bataaya ki paarakh se police adheekshak raink ke adhikaari ke netrutv vaale dal ne poochh-taachh ki. Iski nigraani sanyukt nideshak kar rahe hain aur unhein maamale se sambandhit saare dastaavejon tak pahunch upalabdh karaai gayi. Paarakh par CBI dvaara darj FIR mein Hindalco ko koyala khadaan aavantit karne mein apne aadhikaarik pad ka durupayog karne ka aarop lagaaya gaya hai. Paarakh December 2005 mein koyala sachiv ke pad se sevaanivrutt hue the. Hindalco aaditya bidla samooh ki ek company hai.

CBI Ne Ki Paarekh Se Doosare Daur Ki Poochh-taachh http://www.angrejinews.com/pic/49380