CBI Director Pad Se Hataae Jaane Ke Agale Din Aalok Varma Ne Diya Isteefa

Breaking »

CBI Director Pad Se Hataae Jaane Ke Agale Din Aalok Varma Ne Diya Isteefa

Nai Delhi Haai paavard silekshan committee dvaara CBI director pad se hataae jaane aur tabaadala kiye jaane ke ek din baad aalok varma ne sarkaar ko isteefa bhej diya hai. Varma ka tabaadala karte hue unhein fire services ka director banaaya gaya tha lekin pehle to unhonne chaarj lene se inkaar kiya aur baad mein isteefa hi de diya. Arunaachal pradesh-Goa-mijoram aur kendra shaasit pradesh kaadar se 1979 batch ke IPS officer aalok varma CBI ke 27vein director the. Vah Delhi police ke commissioner bhi rah chuke the. 31 January ko vah retire hone vaale the. Varma 1 February 2017 ko CBI director bane the. Unka kaaryakaal kaafi vivaadit raha aur aakhirkaar bhrashtaachaar ke aaropon ko lekar unhein 2 saal ke tay kaaryakaal se pehle hi hata diya gaya. Varma aur CBI ke special director Rakesh asthaana donon ne ek doosare par bhrashtaachaar ke aarop lagaae the. Baad mein asthaana ke khilaaf FIR bhi darj hui. Yeh vivaad itna badha ki sarkaar ne donon afsaron ko jabaran chhutti par bhej diya. Iske khilaaf varma Supreme court pahunche aur 8 January ko court ne unhein director pad par bahaal to kar diya lekin silekshan committee ko 1 hafte ke bheetar un par lage aaropon par faisale ka bhi nirdesh diya. Supreme court ke nirdesh ke baad pradhaanamantri Narendra Modi ki aguaai aur Congress saansad mallikaarjun khadge va Supreme court ke judge Justice seekari ki sadasyata vaale panel ne varma ko director pad se hata diya. Panel ne unka tabaadala kar unhein fire services ka director general banaae jaane ka aadesh diya. Bata dein ki CBI director ki niyukti pradhaanamantri, Loksabha mein vipaksh ke neta aur CJI ki haai-paavard committee karti hai. Varma vaale maamale mein CJI gogoi ki bench ne faisala diya tha, is vajah se CJI ne panel se khud ko hataakar apni jagah Justice A. Ke. Seekari ko naamit kiya tha.

CBI Director Pad Se Hataae Jaane Ke Agale Din Aalok Varma Ne Diya Isteefa http://www.angrejinews.com/pic/247099