Burkina Faaso Mein Jihaadi Hamle Mein 12 Naagrikon Ki Maut

World »

Burkina Faaso Mein Jihaadi Hamle Mein 12 Naagrikon Ki Maut

Oogaadogo, 12 January (eefapi) uttari burkina faaso mein bruhaspativaar ko jihaadi hamle mein 12 naagrikon ki maut ho gayi. Desh lambe samay se islaami hinsa se joojh raha hai. pashchim afreeki desh ne pichhle saal ke ant mein kai praanton mein aapaatakaal ghoshit kiya tha. Bruhaspativaar ko usane apne sainya pramukh ko aise hamlon par ankush lagaane mein naakaam rahane par pad se hata diya hai. raksha mantraalaya ne shukravaar ko jaari ek bayaan mein kaha ki taaja hamle mein bandookdhaariyon ne gaanv ke ek baajaar par dindahaade hamla kar diya. bayaan mein kaha gaya, ''Gaiseliki gaanv mein aatankvaadi hamle mein kareeb 30 hamlaavar shaamil the. Ismein 12 logon ki maut ho gayi aur do anya ghaayal hue hain. Ek khalihaan, ek gaadi aur chhah dukaanon mein bhi aag laga di gayi. '' uttari burkina faaso mein jihaadi hamle 2015 se shuroo hue hain aur dheere-dheere poorv mein, togo aur benin ke saath lagi seema tak fail gaye. desh vishaal saahel kshetr ka hissa hai aur duniya ke gareeb deshon mein se ek hai. Eefapi nihaarika shobhanaashobhana.

Burkina Faaso Mein Jihaadi Hamle Mein 12 Naagrikon Ki Maut http://www.angrejinews.com/pic/247241