Bulandashahar Hinsaa Hindu Netaaon Ne 3 Maheene Pehle Ki Thi Inspector Subodh Ki Shikaayat, 'Kaaryakramon Mein Daalte Hain Khalal

Breaking »

Bulandashahar Hinsaa Hindu Netaaon Ne 3 Maheene Pehle Ki Thi Inspector Subodh Ki Shikaayat, 'Kaaryakramon Mein Daalte Hain Khalal

Bulandashahar UP ke bulandashahar mein kathit gokashi ke shak mein hui hinsa mein shaheed hue inspector subodh Kumar Singh ke maamale mein ek aur khulaasa hua hai. Ghatna ke teen maheene pehle ek sthaaneeya hindu neta ne shaasan ko patra likhkar inspector subodh ki shikaayat ki thi. Is patra mein unhonne likha tha ki inspector subodh Kumar ko hinduon ke dhaarmik aayojanon mein baadha daalne ki aadat hai. Is kaaran hindu samaaj mein unke liye gussa hai. Somvaar ko bulandashahar mein gokashi ke aarop ke baad hinsa bhadki thi. Is hinsa mein syaana inspector subodh Singh ki goli lagne se maut ho gayi thi. Ghatna ke teen maheene pehle likhe gaye do pairaagraaf ke is patra mein kaha gaya tha, 'Unhein (inspector subodh) aur kuchh aur doosare policewaalon ko yahaan se tatkaal transfer kar dena chaahiye. Unke khilaaf vibhaageeya jaanch karaai jaae. ' is patra ke ant mein yeh bhi likha gaya tha ki yeh maang BJP ke sabhi sthaaneeya netaaon ki hai. Padhein: Bulandashahar hinsa: Mukhya aaropi yogesh ko clean chit dene ki taiyaari mein police? BJP bulandashahar ke mahaasachiv sanjaya shrotiya ne kaha, 'Bulandashahar mein ham logon aur inspector subodh ke beech kai baar matabhed hue. Ham logon ne inspector subodh se kaha tha ki jo log shahar mein bina helmet ke chalte hain unka faain na kiya jaae, sirf highway par bina helmet ke chalne vaalon ka faain kiya jaae lekin unhonne hamaari naheen suni. ' Padhein: Bulandashahar: Apne hi mantri ke nishaane par yogi, raajabhar bole- unke log bhadka rahe danga Unhonne kaha, 'Kai baar inspector subodh hinduon ke kaaryakram mein khalal daalte the. Unke khilaaf hindu samaaj mein gussa tha. Log unke transfer ki maang kar rahe the isliye ham logon ne sthaaneeya saansad ke naam 1 September ko patra likha tha aur inspector subodh ke transfer ki maang ki thi. ' Padhein: Bulandashahar hinsa: Subodh ki maut par UP ke policewaalon ka fir foota system par gussa Is patra mein kai sthaaneeya netaaon ne hastaakshar kiye the. BJP ke poorv paarshad manoj tyaagi ke bhi is patra mein hastaakshar the. Unhonne kaha ki inspector subodh ka ravaiya bahut kharaab tha. Ham sabhi party ke netaaon ne saansad ko ek saarvajanik patra likha tha. Bulandashahar hinsa ke aaropi shikhar Agrawal ne vidiyo jaari kar khud ko nirdosh bataayaaX Is khabar ko angreji mein padhein.

Bulandashahar Hinsaa Hindu Netaaon Ne 3 Maheene Pehle Ki Thi Inspector Subodh Ki Shikaayat, 'Kaaryakramon Mein Daalte Hain Khalal http://www.angrejinews.com/pic/239716