Britain Mein Bhaarateeya Chhaatr Laapata, Pita Ne Ki Madad Ki Appeal

World »

Britain Mein Bhaarateeya Chhaatr Laapata, Pita Ne Ki Madad Ki Appeal

London: Britain mein bhaarateeya mool ka 19 varsheeya chhaatr nae saal ki poorv sandhya se laapata hai, jis kaaran uske pita ne bete ka pata lagaane ke liye madad ki appeal ki hai. Kolkata ka rahane wala sauvik paal nae saal ki poorv sandhya par apne doston ke saath jashn manaane ke liye Manchester ke ek nightclub mein gaya tha. Us din se usaka koi pata naheen hai. 'Manchester evening news' ke anusaar, police vibhaag ke gotaakhor vaarahavaaus nightclub ke nikat Bridgewater canal mein bhi utare, lekin is ladke ka kuchh pata naheen chala. Sauvik ke pita shaantanu paal bete ke laapata hone ki soochana milne ke baad Bengaluru se Manchester pahunche. Unhonne kaha ki bete ka pata chalne tak vah Britain mein rukeinge. Manchester sthit police mukhyaalaya mein shaantanu paal ne appeal ki ki unke bete ke baare mein soochana police ko di jaae. Unhonne kaha ki unhein apne bete par garv hai . Sauvik yahaan Manchester metropolitan university mein product design ke paathyakram mein daakhila liya tha. Sauvik Cambridge street par Cavendish mein rahata hai. Shaantanu ne kaha, mujhe apne bete par garv hai aur main use vaapas paane tak yahaan rukoonga. Greater Manchester police aur university ke prayaason ko lekar main unka aabhaari hoon. Unhonne kaha, main appeal karna chaahata hoon ki mere bete ke baare mein koi bhi soochana kisi ke paas ho to vah police ki madad kare. Bhaarat mein mere parivaar ke liye yeh kathin samay hai. Agar koi madad kar sakta hai to police ko soochit kare. Shaantanu ne kaha ki unka beta behatareen chhaatr hai aur use vishvavidyaalaya ki or se kulapati chhaatravrutti mili hai. Sauvik ke laapata hone ki soochana milne ke baad police ne Bhaarat mein uske parivaar se sampark kiya. Police adhikaari Colin laarakin ne kaha ki nightclub ke doorman ne sauvik se 31 December ki raat 11 baje hi club se chale jaane ke liye kaha tha. Unhonne kaha ki sauvik ke nashe mein hone ki baat kisi ne naheen ki hai. Police ne sauvik ke baare mein jaankaari haasil karne ke maksad se CCTV ki footage bhi khangaali hai, lekin koi suraag haath naheen laga hai.

Britain Mein Bhaarateeya Chhaatr Laapata, Pita Ne Ki Madad Ki Appeal http://www.angrejinews.com/pic/235