Britain Ki Vipakshi Party Ne Ki Vedaanta Ko London Share Baajaar Se Baahar Karne Ki Maang

Business »

Britain Ki Vipakshi Party Ne Ki Vedaanta Ko London Share Baajaar Se Baahar Karne Ki Maang

London Britain ke vipakshi dal lebar party ne Tamil Nadu ke tuteekorin mein starlight industries ke sanyantr ke virodh mein pradarshan ke dauraan 13 logon ke maare jaane ke maddenajar vedaanta ko London share baajaar se baahar karne ki maang ki hai. Britain mein vipaksh ke neta John maikadonel ne kaha ki London share baajaar se vedaanta limited ki soocheebaddhata radd karne se baajaar ki pratishtha ko ho raha nuksaan band hoga kyonki yeh company varshon se avaidh khanan gatividhiyon mein lipt hai. Maikadonel ne shukravaar ko jaari bayaan mein kaha, 'Is saptaah hui ghatna ke baad niyaamak ko nishchit kaarravaai karni chaahiye. Vedaanta ko nishchit taur par London share baajaar se baahar kiya jaana chaahiye taaki uske kaaran baajaar ki pratishtha par aanch naheen aae aur share baajaar ke sanchaalan mein bharosa fir se bahaal ho sake. ' Lebar party ke neta ne kaha, 'Vedaanta ke khilaaf pradarshan kar rahe logon ke khilaaf police kaaravaai mein 13 logon ki maut ki Tamil Nadu se aa rahi khabar niraashaajanak hai. Is baabat kaarravaai honi chaahiye. Yeh ek badi bahuraashtreeya company hai jo varshon se paryaavaran ko nuksaan pahunchaate hue avaidh khanan kar rahi hai aur jabaran sthaaneeya logon ko visthaapit kar rahi hai. '

Britain Ki Vipakshi Party Ne Ki Vedaanta Ko London Share Baajaar Se Baahar Karne Ki Maang http://www.angrejinews.com/pic/206844