Britain Ki GDP Ke Baraabar Hui Cheen Ke Ameeron Ki Kul Sampatti

Breaking »

Britain Ki GDP Ke Baraabar Hui Cheen Ke Ameeron Ki Kul Sampatti

Peichingacheen ke raashtrapati shi chinfing dvaara bhrashtaachaar ke khilaaf jordaar abhiyaan chalaae jaane se yahaan ke ameeron par koi asar naheen pada hai. Cheen ke 2,130 ameeron ki sampatti sanyukt roop se badhkar 2.6 lakh karod dollar par pahunch gayi hai. Yeh Britain ki GDP ke baraabar hai. Cheen ke ameeron par hyuran ki report ke anusaar real estate company evaragraind group ke Chairman shu jiyaayin cheen ke sabse ameer vyakti bankar ubhare hain. Unki kul sampatti 43 arab dollar aanki gayi hai. Unhonne pichhle saal is soochi mein sheersh par rahe vaang jiyaanalin ko peechhe chhoda hai. Haungakaung ke south China morning post mein guruvaar ko prakaashit report ke anusaar is saal kam se kam 74 aur log is soochi mein shaamil hue hain. Inmein pratyek ki sanpattiyaan kam se kam 30 karod dollar hain. Pichhle saal is soochi mein 2,056 log the. Is tarah cheen ke ameeron ki sampatti sanyukt roop se badhkar 2.6 lakh karod dollar par pahunch gayi hai. Yeh Britain ke sakal ghareloo utpaad (GDP) ke baraabar hai. Haalaanki, is soochi mein kaafi badlaav hua hai. Pichhle saal soochi mein pehle number par rahe vaang paanchavein sthaan par fisl gaye hain. Vaang sarkaar ki jaanch ke ghere mein hain. Vaang ke vaanda samooh ke share moolyon mein jordaar giraavat se is parivaar ki sanpattiyaan 28 pratishat ghatkar 23 arab dollar rah gayi hain. Hyuran report ke Chairman aur mukhya shodhakarta rupart haugavarf ne kaha ki kul milaakar hyuran soochi 2007 ke baad se sabse jyaada teji se badhi hai. Haalaanki is dauraan varsh 2015 apavaad raha.

Britain Ki GDP Ke Baraabar Hui Cheen Ke Ameeron Ki Kul Sampatti http://www.angrejinews.com/pic/174603