Brazil Agnikaand Mein Mrutakon Ki Taadaad 235 Pahunchi

Breaking »

Brazil Agnikaand Mein Mrutakon Ki Taadaad 235 Pahunchi

Santa Maria: Dakshini Brazil mein pichhle saptaah hue agnikaand mein marne vaalon ki sankhya badhkar 235 ho gayi hai, jabki 143 anya ab bhi aspataal mein bharti hain. Adhikaariyon ne Budhvaar ko yah jaankaari di. Brazil ke pichhle 50 saalon mein sabse bheeshan agnikaand se marne vaalon ki sankhya lagaataar badh rahi hai. Agnikaand ke shikaar hue logon mein se jinhein shuruaat mein chikitsa ki jyaada jaroorat naheen padi thi, unhein saans ke jariye jahareela dhuaan shareer ke andar chale jaane se ab svaasth sambandhi mushkilein aa rahi hain. Mangalvaar ko 22 logon ko saans ki dikkaton ki vajah se aspataal mein bharti karaana pada. Svaasthya adhikaariyon ke mutaabik, 75 log ab bhi gambhir roop se ghaayal hain. Ghatna ki shuruaati jaanch ke baad bataaya gaya tha ki club ke sangeet band ke ek sadasya ke dvaara club ke bheetar aatishbaaji karne se aag bhadki aur band kshetr mein jahareela dhuaan bhar gaya. Police ne somvaar ko chaar logon ko hiraasat mein liya hai, jinmein do club ke maalik aur do sangeet band ke sadasya hain.

Brazil Agnikaand Mein Mrutakon Ki Taadaad 235 Pahunchi http://www.angrejinews.com/pic/685