Bollywood Mein Jyaada Paise Ke Liye Kaam Naheen Kar Raha Vikram

Movies »

Bollywood Mein Jyaada Paise Ke Liye Kaam Naheen Kar Raha  Vikram

Mumbai: 'Raavan' aur 'David' ke jariye Bollywood ki rangeen duniya mein kadam rakhane vaale tamil abhineta vikram ne kaha hai ki unhein hindi filmon mein kaam karne ki koi jaldi naheen hai aur Bollywood ki in filmon ko unhonne paise ki khaatir naheen kiya. Vikram ne tamil filmon se shuruaat ki aur baad mein telugu aur malayalam filmon mein kaam kiya. Unhonne 'Setu', 'Saami', 'Anniyaan' aur 'Kaantasvaami' anya charchit filmon mein kaam kiya hai. Vikram ne kaha, mera vahaan pehle se hi career hai. Hindi filmon ki or se unhein bas prastaav aaya aur mujhe yah achha laga isliye mainne ise kar liya. Main (Bollywood ki) filmein paise ke liye naheen kar raha. Iske bajaay mujhe yahaan bhi utana hi paisa mil raha hai. Unhonne kaha, main yahaan (Bollywood mein) kuchh alag karna chaah raha tha aur 'Raavan' aur 'David' ne mujhe yah avsar diya. Yah satya hai ki hindi filmon ki pahunch bahut jyaada hai. Yah vaishvik star par dekha jaata hai, lekin yahaan par film ko karne ka yah kaaran naheen tha.

Bollywood Mein Jyaada Paise Ke Liye Kaam Naheen Kar Raha Vikram http://www.angrejinews.com/pic/1127