Boko Haram Ke Nae Video Mein Nigeria Ki Laapata Ladkiyon Ko Dikhaane Ka Daava

Breaking »

Boko Haram Ke Nae Video Mein Nigeria Ki Laapata Ladkiyon Ko Dikhaane Ka Daava

Laagos: boko haram ne aaj ek naya video jaari karke Nigeria ki laapata schooli ladkiyon ko dikhaane ka daava kiya. Sangathan ne kaha ki in kishoriyon ko islaam kabool karavaaya gaya hai aur uske sabhi ladaakon ko jail se riha kiye jaane tak ladkiyon ko naheen chhoda jaaega. is video mein ek agyaat graameen kshetr mein muslim pahanaave mein namaaj padhti kathit roop se in ladkiyon ko dikhaaya gaya. Is video mein isse pehle 17 minute tak sangathan ka neta abubakar shekaau apni baat rakhate najar aaya. borno praant ke uttarapoorvi shahar chibok se 14 April ko kul 276 ladkiyon ka apaharan kiya gaya tha. Is praant mein isaai samudaaya badi sankhya mein hai. Police ka kehna hai ki 223 ab bhi laapata hain. footage mein dikhaaya gaya ki kareeb 130 ladkiyaan kaale aur bhoore rang ke hijaab mein pedon ke paas baithi hain aur Quraan ka pehla adhyaaya padh rahi hain. inmein se teen ladkiyon se baat karaai gayi. Do ka kehna tha ki ve isaai theen aur unka dharmaantaran ho gaya hai jabki teesari ka kehna tha ki vah muslim hai. Ye ladkiyaan shaant najar aa rahi theen aur ek ka kehna hai ki unhein koi nuksaan naheen pahunchaaya gaya. haalaanki yeh naheen bataaya gaya ki yeh video kab ka hai lekin iski gunavatta pichhle video se behtar hai.

Boko Haram Ke Nae Video Mein Nigeria Ki Laapata Ladkiyon Ko Dikhaane Ka Daava http://www.angrejinews.com/pic/50363