Boko Haraam Ke Hamle Mein Javaan, Sthaaneeya Pramukh Ki Maut

World »

Boko Haraam Ke Hamle Mein Javaan, Sthaaneeya Pramukh Ki Maut

Kaano Poorvottar Nigeria ke uttari adaamaava mein boko haraam ke hamle mein ek javaan aur ek sthaaneeya pramukh ki maut ho gayi. Sainya evam asainya sootron ne ravivaar ko yeh jaankaari di. Ek gut ke neta abubakar shekhaau ke vafaadaar hamlaavaron ne adaamaava raajya ke madaagali mein shanivaar ko hamla kiya jiske baad unke aur suraksha balon ke beech do ghante muthabhed chali. Sena ke ek adhikaari ne kaha, 'Muthabhed mein ek javaan ki maut ho gayi. ' sthaaneeya nivaasiyon ne bhi is baat ki pushti ki hai. Madaagali sthaaneeya sarkaar ke poorv prashaasanik pramukh maina ulaaraamoo ne kaha, 'Unhonne (boko haraam ne) muthabhed mein ek javaan aur gubala ke gram pramukh ki hatya kar di. Iske baad ve sambisa (jungle) laut gaye. ' Do sootron ne bataaya ki boko haraam ke teen aatankvaadiyon ke shav muthabhed sthal se baraamad hue hain. Isse pehle shukravaar ko bhi maiduguri ke nikat ek sainya adde par boko haraam ke hamle mein shukravaar ko teen javaanon ki maut ho gayi thi.

Boko Haraam Ke Hamle Mein Javaan, Sthaaneeya Pramukh Ki Maut http://www.angrejinews.com/pic/253991