Big Bi Ke Khilaaf Uchch Nyaayaalaya Mein Yaachika

Movies »

Big Bi Ke Khilaaf Uchch Nyaayaalaya Mein Yaachika

Allahabad: Allahabad uchch nyaayaalaya mein daayar ek yaachika mein Bollywood abhineta Amitabh Bachchan par quiz sho 'Kaun banega karodpati' mein ek dhaarmik granth ke baare mein 'Buri neeyat ke saath' 'Apamaanajanak' tippani karne ka aarop lagaaya gaya. Jhansi ke rahane vaale mudaasir ulla Khan ne saal 2011 mein 28 September ko dikhaae gaye episode mein Amitabh Bachchan ke pavitra granth ke baare mein 'Racha gaya' istemaal karne ko lekar aapatti jataai. Yaachikaakarta ne maamale mein Amitabh ke alaava soni TV ke prabandhak aur sho ke kaaryakram praayojak ko prativaadi banaaya hai. Khan ne daleel di hai ki pavitra granth ko na hi likha gaya aur na hi taiyaar kiya gaya hai. . . Balki Allah ke dvaara yeh astitv mein aaya aur isliye 'Racha gaya' ka istemaal karna 'Gambhir aparaadh' hai. Khan ne mukhya nyaayik dandaadhikaari aur jila evam satr nyaayaadheesh dvaara uske aavedan ko khaarij kiye jaane ko bhi chunauti di hai. Aavedan mein unhonne police ko maamale ke sambandh mein praathimiki darj karne ka aadesh police ko diye jaane ki maang ki thi.

Big Bi Ke Khilaaf Uchch Nyaayaalaya Mein Yaachika http://www.angrejinews.com/pic/363