Bichauliye Ka Tyaagi Se Mulaakaat Ka Daava, CBI Team Mili Raksha Adhikaariyon Se

Breaking »

Bichauliye Ka Tyaagi Se Mulaakaat Ka Daava, CBI Team Mili Raksha Adhikaariyon Se

Nai Delhi: Bhaarat ke VVIP logon ke liye Italy ki company se khareede gaye heleekauptaron ke saude par nae khulaase saamane aa rahe hain. Angreji akhbaar 'Indian express' ne daava kiya hai ki is saude ke mukhya bichauliye gaaido haishke ne Italy ke adhikaariyon ke saath poochhataachh mein Bhaarat ke poorv vaayu senaadhyaksh SP tyaagi ke saath kai mulaakaaton ki baat maani hai. Idhar, CBI ki ek team apaharan raksha mantraalaya ke adhikaariyon se mili. Is baare mein abhi vistrut byore ka intajaar hai. Akhbaar ke mutaabik November, 2012 mein diye gaye is iqabaaliya bayaan mein gaaido haishke ne sveekaar kiya ki vah tyaagi se 6−7 baar mila tha aur donon ke beech theke ki takaneeki kasautiyon par baatcheet hui. Haishke ne maana ki use dalaali mein kareeb 145 karod rupaye mile, jinmein se lagbhag 87 karod rupaye tyaagi ke rishtedaaron ko diye gaye. Doosari or, Budhvaar ko NDTV se baatcheet ke dauraan poorv vaayusena pramukh SP tyaagi ne in aaropon ko bebuniyaad bataate hue kaha tha ki vah bas ek baar ek bichauliye kaarlos gerosa se mile the, vah bhi apne ritaayarameint ke baad aur is mulaakaat mein unke beech saude ko lekar koi baatcheet naheen hui. Tyaagi ne yah bhi kaha ki vah in aaropon se sadme mein hain, lekin vah CBI jaanch ke liye taiyaar hain.

Bichauliye Ka Tyaagi Se Mulaakaat Ka Daava, CBI Team Mili Raksha Adhikaariyon Se http://www.angrejinews.com/pic/1866