Bhrashtaachaar Ke Maamalon Mein Naukarashaahon Ke Khilaaf Jaanch Se Pehle Manjoori Ka Praavadhaan Asamvaidhaanik Court

India »

Bhrashtaachaar Ke Maamalon Mein Naukarashaahon Ke Khilaaf Jaanch Se Pehle Manjoori Ka Praavadhaan Asamvaidhaanik  Court

Nai Delhi: uchchatam nyaayaalaya ne mangalvaar ko vyavastha di ki bhrashtaachaar ke maamale mein sanyukt sachiv ya usase upar ke adhikaari ke khilaaf jaanch se pehle saksham praadhikaari se manjoori lene ka kaanooni praavadhaan avaidh aur asamvaidhaanik hai. Nyaayaalaya ne kaha ki ismein bhrasht vyakti ko sanrakshan dene ki pravrutti hai. pradhaan nyaayaadheesh aaraem lodha ki adhyakshata waali paanch sadasyeeya samvidhaan peeth ne Delhi special police istebalishment kaanoon ki dhaara 6-A ke praavadhaan par vichaar ke baad yeh vyavastha di. Is dhaara ke tahat bhrashtaachaar ke maamale mein poorv anumati ke bagair naukarashaahon ke khilaaf jaanch naheen ki ja sakti hai. Samvidhaan peeth ke anya sadasyon mein nyaayamoorti AK patanaayak, nyaamayoorti esaje mukhopaadhyaaya, nyaayamoorti deepak mishra aur nyaayamoorti efaemaaai kaleefulla shaamil hain. samvidhaan peeth ne kaha ki ham is kaanoon ki dhaara 6-A ko avaidh aur samvidhaan ke anuchhed 14 ka hanan karne waali ghoshit karte hain. Is dhaara ke tahat sanyukt sachiv ya isse oonche pad par aaseen adhikaari ke khilaaf bhrashtaachaar nivaaran kaanoon ke tahat aarop ki jaanch se pehle sarkaar ki manjoori lena aavashyak hai. nyaayaalaya ne kaha ki bhrashtaachaar nivaaran kaanoon ke tahat aparaadh ki jaanch ke maksad se adhikaariyon ka koi vargeekaran naheen kiya ja sakta hai. samvidhaan peeth ne kaha, 'Bhrasht naukarashaah, chaahein oonche pad par hon ya nichle, sab ek samaan hain aur unase ek samaan hi vyavahaar karna hoga. ' nyaayaalaya ne kaha ki bhrashtaachaar raashtra ka shatru hai aur bhrashtaachaar ke maamalon mein adhikaariyon ke beech vargeekaran karna mushkil hai kyonki yeh bhrashtaachaar nivaaran kaanoon ke khilaaf hai. nyaayaalaya ne kaha ki dhaara 6-A ke tahat pehle anumati lene ka nateeja apratyaksh roop se jaanch mein baadha daalna hai aur yadi CBI ko praarambhik jaanch hi naheen karne di gayi to fir tafateesh aage kaise badh sakegi. samvidhaan peeth ne kaha, 'Hamaara maanana hai ki bhrashtaachaar nivaaran kaanoon ke tahat aparaadh ki jaanch ke liye chuninda adhikaariyon ke varg ke beech kisi prakaar ka vibhed naheen kiya ja sakta. Bhrashtaachaar nivaaran kaanoon ke tahat aparaadh ke maamale mein adhikaari ke pad ka kya sambandh ho sakta hai. Iske alaava Delhi special police istebalishment kaanoon ki dhaara 6-A ke jariye kisi bhi prakaar ke antar se anuchhed 14 ka ullanghan hota hai. ' nyaayaalaya ne kaha ki dhaara 6-A mein pradatt sanrakshan mein bhrasht vyakti ko panaah dene ki pravrutti dikhti hai. nyaayaalaya ne kaha ki samaan vyavahaar se kisi ko koi chhoot naheen di ja sakti hai aur bhrashtaachaar ke aaropon ka saamana kar rahe adhikaari ko jaanch ki samaan prakriya ka saamana karna hoga. nyaayaalaya ne pehle kaha tha ki usaka mukhya sarokaar dhaara 6-A ki samvaidhaanikta se hai aur yadi manamaane tareeke ka savaal uthata hai to is par saat nyaayaadheeshon ki peeth ko vichaar karna hoga. atirikt saaliseetar general kevi vishvanaath ne kaha tha ki sarkaar kisi bhi bhrasht naukarashaah ko sanrakshan naheen dena chaahati hai aur yeh praavadhaan sirf yeh sunishchit karne ke liye hai ki varishth naukarashaahon se bagair kisi samuchit sanraksha ke poochh-taachh naheen ki ja sake kyonki ve neetinirdhaaran ki prakriya mein shaamil hote hain. unhonne yeh bhi kaha tha ki varishth naukarashaah ke khilaaf praathamiki darj hone se na sirf usaki pratishtha ko thes pahunchati hai balki vibhaag ko bhi thes pahunchati hai aur yahi vajah hai ki sarkaar ne jaanch se pehle shikaayat ke svaroop par vichaar karne ka faisala kiya tha. varishth naukarashaahon ko jaanch ke prati sanrakshan ka masala kareeb 17 saal pehle sheersh adaalat ki sameeksha ke daayare mein aaya tha jab kendra ki is daleel ko thukara diya gaya tha ki neeti nirdhaarak hone ke kaaran unhein thothi shikaayaton se sanrakshan dene ki aavashyakta hai. is sambandh mein pehli yaachika subramaniyn svaami ne 1997 mein daayar ki thi aur baad mein 2004 mein gair sarkaari sangathan sentar faar pablik intarest liteegeshans ne yaachika daayar ki thi.

Bhrashtaachaar Ke Maamalon Mein Naukarashaahon Ke Khilaaf Jaanch Se Pehle Manjoori Ka Praavadhaan Asamvaidhaanik Court http://www.angrejinews.com/pic/49750