Bhoomi Adhigrahan Bill Loksabha Mein Paas

Breaking »

Bhoomi Adhigrahan Bill Loksabha Mein Paas

Nai Delhi. . Loksabha mein guruvaar ko bhoomi adhigrahan bill 2012 paas ho gaya. Isi ke saath desh mein bhoomi adhigrahan se jude takareeban 120 saal puraane kaanoon ki vidaai tay ho gayi hai. 'Bhoomi adhigrahan, punaruddhaar va punarvaas mein paaradarshita aur uchit muaavaje ka adhikaar bill 2012' mein kaha gaya hai ki bhoomi adhigrahan mein prabhaavit logon ko vikaas mein bhaageedaar banaaya jaae. Naya bill aane se gaanvon mein adhigrahan par jameen ki market vailyoo ka 4 guna aur shaharon mein doguna muaavaja mil sakega. Punarvaas ki suvidha bhi milegi. Yeh bill Congress upaadhyaksh Rahul Gandhi ki pasand maana ja raha hai. Guruvaar ko sadan mein hui charcha ke dauraan bill ke kai praavadhaanon par vivaad utha. Sarkaar ne sabhi dalon ke beech sahamati banaane ki koshish ki. Sarkaar ne BJP aur left ke 5 sujhaavon ko maan liya.

Bhoomi Adhigrahan Bill Loksabha Mein Paas http://www.angrejinews.com/pic/21833