Bhagat Singh Ko Nirdosh Saabit Karne Ke Liye Pakistan Ki Adaalat Mein Yaachika Daayar

Breaking »

Bhagat Singh Ko Nirdosh Saabit Karne Ke Liye Pakistan Ki Adaalat Mein Yaachika Daayar

Lahore: varsh 1928 mein Lahore ke tatkaaleen varishth police adheekshak ki hatya ke maamale mein bhagat Singh ke khilaaf darj praathamiki ki prati yahaan maangi gayi, taaki in mahaan svatantrata senaani ko nirdosh saabit kiya ja sake. yaachikaakarta bhagat Singh memoriyl ke adhyaksh imtiyaaj Rashid kuraishi ne tatkaaleen varishth police adheekshak John pi saindars ki kathit roop se ki gayi hatya ko lekar bhagat Singh, sukhadev aur raajaguroo ke khilaaf darj ki gayi praathamiki ki satyaapit prati ki maang karte hue yaachika daayar ki thi. atirikt jila evam satr nyaayaalaya ne 11 April ko police ko is praathamiki ki prati kuraishi ko dene ka aadesh diya tha. Somvaar ko sunavaai ke dauraan kuraishi ne adaalat se kaha ki unhonne police ko adaalat ka aadesh dikhaaya tha, lekin usane unhein praathamiki ki prati dene se inkaar kar diya. satr adaalat ne Lahore police ke pramukh chaudhari shafeek ko adaalat ke aadesh anupaalan ke silsile mein notice jaari kiya. Nyaayaadheesh ne maamale ki sunavaai do saptaah ke liye sthagit kar di. Kuraishi ne kaha ki Punjab police ke kaanooni maamale vibhaag ke paas san 1895 se 1928 tak ke record hain, lekin police ne 1928 mein varishth police adheekshak ki hatya ke silsile mein darj ki gayi praathamiki unhein dene se inkaar kar diya. Unhonne kaha ki Singh ke maamale ki sunavaai karne vaale nyaayaadhikran ne 450 gavaahon ko sune bagair hi unhein (bhagat Singh ko) mrutyudand sunaaya. Singh ke vakeelon ko unase jirah karne ka mauka naheen diya gaya. kuraishi ne Singh ke maamale ko fir se kholne ki maang karte hue Lahore High Court mein bhi ek yaachika daayar ki hai. Unhonne kaha, 'Main is hatyaakaand mein unhein nirdosh saabit karna chaahata hoon. ' Lahore High Court ne is silsile mein vruhatar peeth banaane ke liye maamale ko mukhya nyaayaalaya ko bhej diya hai. gaurtalab hai ki March, 1931 mein, Lahore saajish kaand mein bhagat Singh ki kathit sanliptata ko lekar sunavaai ke baad british sarkaar ne Singh ko 23 saal ki umr mein faansi par lataka diya tha.

Bhagat Singh Ko Nirdosh Saabit Karne Ke Liye Pakistan Ki Adaalat Mein Yaachika Daayar http://www.angrejinews.com/pic/49019