Bhadkaaoo Bhaashan Maamale Mein Akbaruddin Ovaishi Giraftaar

India »

Bhadkaaoo Bhaashan Maamale Mein Akbaruddin Ovaishi Giraftaar

Hyderabad: Bhadkaaoo bhaashan maamale mein MIM neta aur vidhaayak Akbaruddin auvaisi ko giraftaar kar liya gaya hai. Vah somvaar ko Bhaarat laut aae the. Somvaar ko unhonne apni kharaab sehat ka havaala dete hue police ke saamane upasthit hone mein asamarthata jataai thi aur pesh hone ke liye chaar din ka samay maanga tha. Vaheen, police ne unki appeal ko najaraandaaj kiya aur jaanch adhikaari unke ghar par pahunche jahaan par unhonne ovaishi ko svasth paaya. Baavajood iske poochh-taachh se pehle ovaishi ne dard ki shikaayat ki aur unase poochh-taachh naheen ki gayi. Iski vajah se mangalvaar ko police ne sarkaari doctoron se ovaishi ka svaasthya pareekshan karaane ka nirnaya liya hai. Unhein shahar ke Gandhi aspataal mein subah 10.30 baje pahunchane ke liye kaha gaya tha. Iske alaava ovaishi ne High Court mein appeal kar apne khilaaf darj shikaayad ko radd karne ki appeal ki hai. Unhein police ne bhadkaaoo bhaashan dene ke maamale mein haajir hone ke liye saman bheja tha. Isse pehle kaha ja raha tha ki vah London se Bhaarat aane ke baad police ke saamane prastut honge. Unke vakeel ka kehna hai ki auvaishi ne svaasthya kaaranon ko vajah bataakar aisa aavedan diya hai. Gaurtalab hai ki somvaar ki subah London se Hyderabad pahunche MIM neta ka saikadon samarthakon ne havaai adde par svaagat kiya jiske baad vah apne banjaara hills sthit nivaas par chale gaye the. Police ne auvaishi par bhadkaaoo bhaashan dene ka maamala darj kiya hai. Akbaruddin MIM ke vidhaayak hain aur Andhra pradesh vidhaan sabha mein party ke neta hain. Ve MIM pramukh aur saansad asaduddeen ovaisi ke chhote bhaai hain.

Bhadkaaoo Bhaashan Maamale Mein Akbaruddin Ovaishi Giraftaar http://www.angrejinews.com/pic/112