Bhadkaaoo Bhaashan Maamala Akbaruddin Ovaisi 14 Din Ki Nyaayik Hiraasat Mein Bheje Gaye

India »

Bhadkaaoo Bhaashan Maamala  Akbaruddin Ovaisi 14 Din Ki Nyaayik Hiraasat Mein Bheje Gaye

Hyderabad: Majalis-A-ittehaadul musleemeen ke vidhaayak Akbaruddin ovaisi ko aadilaabaad jile ke nirmal shahar mein ek magistrate ne 14 din ki nyaayik hiraasat mein bhej diya. Ovaisi ke khilaaf kathit bhadkaaoo bhaashan dene ke aarop mein kai maamale darj kiye gaye hain. Bataaya jaata hai ki Akbaruddin ovaisi ko subah saadhe paanch baje magistrate ke samaksh pesh kiya gaya aur fir unhein nyaayik hiraasat mein bhej diya gaya. Magistrate ne police se ovaisi ko subah saadhe 10 baje adaalat mein pesh karne ke liye bhi kaha. Ovaisi ko nirmal shahar police thaana le jaaya gaya. Samjha jaata hai ki unki yaachika Andhra pradesh adaalat mein aaj sunavaai ke liye soocheebaddh hai. MIM ke vidhaayak ko mangalvaar ko giraftaar kiya gaya tha. Giraftaari se ek din pehle hi vah London se laute the aur svaasthya sambandhi jaanch ke liye unhein aspataal mein bharti karaaya gaya tha. Baad mein unhein hiraasat mein liya gaya. MIM neta ki giraftaari ke baad raajya sarkaar ne kaanoon-vyavastha banaae rakhane ke liye shahar mein nishedhaagya laagoo kar di. Hyderabad aur aadilaabaad mein ehtiyaat ke taur par atirikt suraksha bal tainaat kiye gaye hain. Ovaisi Andhra pradesh vidhaanasabha mein MIM ke neta hain. Un par aadilaabaad mein Charminar ilaake ke vivaadaaspad bhaagyalakshmi mandir ko lekar kathit bhadkaaoo bhaashan dene ke aarop mein maamala darj kiya gaya hai. Aise hi bhaashan dene ke aarop mein unke khilaaf Hyderabad aur raajya ke vibhinn hisson ke police thaanon mein shikaayat darj karaai gayi hai.

Bhadkaaoo Bhaashan Maamala Akbaruddin Ovaisi 14 Din Ki Nyaayik Hiraasat Mein Bheje Gaye http://www.angrejinews.com/pic/227