Bhadkaaoo Bhaashan Dene Ke Maamale Mein Rahul Gandhi Ko Chunaav Aayog Ka Notice

Breaking »

Bhadkaaoo Bhaashan Dene Ke Maamale Mein Rahul Gandhi Ko Chunaav Aayog Ka Notice

File photo File photo Nai Delhi: chunaav aayog ne Rahul Gandhi ko notice bheja hai. Ye notice unhein bhadkau bhaashan ke liye bheja gaya hai, jismein vah kehte dekhe ja rahe hain ki BJP ki sarkaar banane par desh mein 22 hajaar log maare jaaenge. BJP ne chunaav aayog se Rahul Gandhi ke is bhaashan ki shikaayat karte hue poochha tha ki Rahul Gandhi ke paas aise aankade kahaan se aae aur saath hi kaha tha ki chunaav aayog ko ispar kaarravaai karni chaahiye. chunaav aayog ne apne notice mein ise pehli najar mein aachaar sanhita ka ullanghan maanate hue kaha hai ki Rahul Gandhi 12 May tak is par javaab dein. Aayog ne kaha ki agar Rahul ne somvaar tak apna paksh naheen rakha to vah aage koi sandarbh diye bagair kaarravaai kar sakta hai. notice ke anusaar, Himachal pradesh ke solan mein ek May ko ek chunaavi rally ko sambodhit karte hue Rahul ne kathit roop se kaha, 'Japan ke log mujhse poochhate hain, ve kehte hain ki ham ek mudde se bhayabheet hain. Ham aapki madad kareinge. Ham sadak taiyaar kareinge. Lekin ham bhayabheet hain ki kya shaanti rah paaegi. . Ve kehte hain ki kya Bhaarat ke log ek doosare se ladeinge ya naheen. ' unhonne kathit roop se kaha tha, 'Yeh bhaya hamaari jindagi mein bhi hai. Agar bhaajapa hai to hinsa hogi. Agar bhaajapa hui to 22 hajaar log maare jaaenge kyonki ve krodh failaate hain. . Yeh savaal pehle naheen uthaaya gaya tha. ' bhaajapa ne Rahul ki is tippani ki chunaav aayog mein shikaayat ki thi. Usane aayog ko unke bhaashan ki seedi aur akhbaaron ki kataran muhaiya karaayi thi.

Bhadkaaoo Bhaashan Dene Ke Maamale Mein Rahul Gandhi Ko Chunaav Aayog Ka Notice http://www.angrejinews.com/pic/50113