Bhaarateeya Sanskruti Congress Ke DNA Mein Naheen Hai Bhaajapa

Breaking »

Bhaarateeya Sanskruti Congress Ke DNA Mein Naheen Hai  Bhaajapa

Nai Delhi: Priyanka Gandhi ko 'Apni beti jaisa' bataae jaane sambandhi Narendra Modi ki tippani par Priyanka sahit Congress ke netaaon ki 'Nakaaraatmak' pratikriyaaon ko 'Durbhaagyapoorn' bataate hue bhaajapa ne guruvaar ko kaha ki bhaarateeya sanskruti Congress ke DNA mein naheen hai. bhaajapa ki pravakta nirmala seetaaraman ne kaha ki Modi ne ek baatcheet mein Priyanka ke baare mein kiye gaye savaal par unhein apni beti jaisa bataate hue koi tippani karne se inkaar kar diya tha. unhonne kaha, 'Modi ka yeh bayaan bhaarateeya sanskruti mein racha-basa bayaan hai. Lekin Priyanka aur vitt mantri pi Chidambaram dvaara aise sakaaraatmak bayaan par bhi nakaaraatmak rukh apanaana is baat ka dyotak hai ki Congress ka DNA shaayad bhaarateeya sanskruti se mel naheen khaata hai. ' Modi ki ukt tippani par pratikriya karte hue Priyanka ne aaj kaha, 'Main Rajiv Gandhi ki beti hoon. . . ' bhaajapa pravakta ne kaha ki Modi ki is sakaaraatmak tippani ko sveekaarane ke liye Priyanka ke paas 'Bada dil' hona chaahiye tha. vittamantri pi Chidambaram ne bhi Modi ki is tippani par vyangya karte hue kaha, main khush hoon ki Narendra Modi Priyanka Gandhi ko apni beti jaisi maanate hain. . Haan, mujhe yeh pakka pata naheen hai ki kya Priyanka ko bhi Modi ko pitaatulya maanane mein khushi hogi. . . ' bataaya jaata hai ki dooradarshan ko diye interview mein Modi ne kathit roop se kaha ki unhein dooradarshan ki or se interview ka aagrah milne par aashcharya hua, kyonki vashare se Gujarat dooradarshan kendra ne unhein 'Black out' kar rakha tha. Lekin unki is tippani ka prasaaran naheen kiya gaya. seetaaraman ne Modi ki is tippani ko naheen dikhaae jaane ki aalochna karte hue kaha, yeh sharmanaak hai ki dooradarshan mein aaj bhi censorship laagoo hai.

Bhaarateeya Sanskruti Congress Ke DNA Mein Naheen Hai Bhaajapa http://www.angrejinews.com/pic/49248