Bhaarat-Pak Seema Par Tanaav Kam Lekin Sthiti Saamaanya Naheen Antony

Breaking »

Bhaarat-Pak Seema Par Tanaav Kam Lekin Sthiti Saamaanya Naheen  Antony

Kojhikod: Raksha mantri AK Antony ne kaha hai ki Bhaarat-Pakistan seema par tanaav mein kami I hai, lekin sthiti abhi saamaanya naheen hui hai aur yah Pakistan ki kaarravaai par nirbhar karti hai. Antony ne kaha ki Bhaarat yuddh unmaadi desh naheen hai aur sthiti saamaanya prakriya mein thoda samay lagega. Unhonne is baat par jor diya ki sthiti saamaanya hona poori tarah vishvaas bahaali ke upaayon aur mukhya roop se Pakistan ki kaarravaai par nirbhar karta hai. Raksha mantri ne kaha, 'Donon deshon ke raksha adhikaariyon ke beech telephone par hui charchaaon ke baad seema par tanaav mein kami I hai. Baharahaal, sthiti saamaanya naheen hui hai. ' unhonne kaha, 'Main sthiti ko saamaanya banaane ko lekar koi samayaseema naheen bata sakta, lekin yah Pakistan ke rukh aur kaarravaaiyon par nirbhar karta hai. ' Pichhle dinon sangharsh viraam ke ullanghan ke kaaran niyantran rekha par tanaav ki sthiti paida ho gayi thi. Pakistani sainikon ne Bhaarat ke do javaanon ki nirmam hatya kar di thi.

Bhaarat-Pak Seema Par Tanaav Kam Lekin Sthiti Saamaanya Naheen Antony http://www.angrejinews.com/pic/1602