Bhaarat Ne Pichhle 20 Saal Mein Praakrutik Aapadaaon Se Ganvaae 59 Kharab Rupaye

Breaking »

Bhaarat Ne Pichhle 20 Saal Mein Praakrutik Aapadaaon Se Ganvaae 59 Kharab Rupaye

Sanyukt raashtra Jalavaayu parivartan ke kaaran pichhle 20 saal mein I praakrutik aapadaaon se Bhaarat ko 79.5 arab dollar (kareeb 59 kharab rupaye) ka aarthik nuksaan uthaana pada hai. Sanyukt raashtra ne apni ek report mein yeh jaankaari di hai. 'Aarthik nuksaan, gareebi aur aapada: 1998-2017' sheershak vaaaali is report mein jalavaayu parivartan se honevaale mahatvapoorn badlaav ya mausami ghatnaaon ke vaishvik arthavyavastha par padne vaale prabhaav ka aakalan kiya gaya hai. Ise sanyukt raashtra ke aapada jokhim mein kami laane ke liye kaam karanevaale vibhaag ne taiyaar kiya hai. Report mein kaha gaya hai ki 1998 se 2017 ke beech jalavaayu parivartan ke chalte aanevaali praakrutik aapadaaon se seedhe honevaale aarthik nuksaan mein 151 pratishat ki badhotri darj ki gayi hai. Is dauraan vaishvik arthavyavastha ko 2,908 arab dollar (kareeb 2 lakh 15 hajaar 933 arab rupaye) ka seedha nuksaan hua hai. Yeh usase pichhle do dashakon mein hue nuksaan ke mukaabale doguna adhik hai. Budhvaar ko jaari is report mein kaha gaya hai jalavaayu parivartan ka jokhim badh raha hai. Kul aarthik nuksaan mein badi mausami ghatnaaon se honevaali haani ki hissedaari 77 pratishat hai, jo 2,245 arab dollar (kareeb 1 lakh 66 hajaar 477 arab rupaye) ke kareeb hai. Is tarah 1978 se 1997 ke beech inse 895 arab dollar (kareeb 66 hajaar 350 arab rupaye) ka seedha aarthik nuksaan hua tha. Ismein America ko 944.8 arab dollar (kareeb 70 hajaar 042 arab rupaye), cheen ko 492.2 arab dollar (kareeb 36 hajaar 489 arab rupaye), Japan ko 376.3 arab dollar (kareeb 27 hajaar 897 arab rupaye), Bhaarat ko 79.5 arab dollar (kareeb 59 kharab rupaye) aur pyoorto riko ko 71.7 arab dollar (5,316 arab rupaye) ka nuksaan hua hai. Baadh, toofaan aur bhookamp se honevaale jyaada aarthik nuksaan mein teen Europeeya desh sheersh par hain. Ismein France ko 48.3 arab dollar (kareeb 3,581 arab rupaye), Germany ko 57.9 arab dollar (kareeb 4,291 arab rupaye) aur Italy ko 56.6 arab dollar (kareeb 4,195 arab rupaye) ka nuksaan hua hai.

Bhaarat Ne Pichhle 20 Saal Mein Praakrutik Aapadaaon Se Ganvaae 59 Kharab Rupaye http://www.angrejinews.com/pic/227942