Bhaarat Mein Vishv Ki 54 Sabse Badi Companiyaan Forbes

Breaking »

Bhaarat Mein Vishv Ki 54 Sabse Badi Companiyaan  Forbes

New York: mukesh Ambani ke netrutv waali Reliance industries un 54 bhaarateeya companiyon mein avval number par hai, jinhonne Forbes ki 2000 sabse badi aur shaktishaali companiyon ki saalaana soochi mein jagah banaai hai. Saath hi cheen ki teen companiyon ne is soochi mein sheersh sthaan praapt kiya hai. Forbes ki 'Vaishvik 2000' soochi mein aay, munaafe, parisanpatti aur baajaar moolyaankan ke aadhaar par aanki gayi vishv ki sabse badi aur sabse shaktishaali companiyon ki vyaapak soochi mein shaamil hain. Cheen mein vishv ki teen sheersh soocheebaddh companiyaan hain aur sheersh 10 companiyon mein se paanch companiyaan bhi vaheen ki hain. America ne 2000 companiyon ki is soochi mein apna dabadaba barkaraar rakha hai, jinmein se 564 vahaan ki hain. America ke baad Japan ka sthaan hai jahaan kul milaakar 225 companiyaan hain. Bhaarat mein vishv ki 54 sabse badi aur shaktishaali companiyaan hain. Reliance industries May 2014 tak 50.9 arab dollar ke baajaar moolyaankan aur 72.8 arab dollar ki bikri ke saath 135vein sthaan par hai. Reliance ke baad bhaarateeya state bank ka sthaan hai, jo 23.6 arab dollar ke moolyaankan ke saath 155vein sthaan par hai. jin anya companiyon mein is soochi mein jagah banaai hai unamein ONGC (176), ICICI bank (304), tata motors (332), Indian Oil (416), HDFC (422), kol India (428), laarsan end toobro (500), tata kansalteinsi services (543), bhaarati Airtel (625), aiksis bank (630), infosis (727), bank of Baroda (801), mahindra end mahindra (803), ITC (830), Wipro (849) aadi shaamil hain. inke alaava is soochi mein ITC, Wipro, bhel, Gale India, tata steel, Bhaarat petrolium, echaseeel teknolaajeej, Hindustan petrolium, adaani entarapraaijej jaisi companiyon ne bhi jagah banaai hai. Is saal 'Vaishvik 2000' soochi mein 62 deshon ki companiyon ko jagah mili jabki 2003 mein jab Forbes ne is soochi ko jaari karna shuroo kiya tha to jin deshon ki companiyon ko ismein shaamil kiya gaya tha unki sankhya sirf 46 thi. in companiyon ki kul aay 38,000 arab dollar aur kul munaafa 3,000 arab dollar hai jabki in companiyon ki kul parisanpatti 161,000 arab dollar aur inka sakal baajaar moolyaankan 44,000 arab dollar hai. Forbes ne kaha ki in companiyon mein nau karod log kaam karte hain. Is ranking ke shuroo hone ke baad 11 saal mein yeh pehla mauka hai jabki vishv ki sabse badi companiyaan cheen ki rahi aur sheersh 10 companiyon mein paanch companiyaan bhi vaheen ki raheen. cheen ka sarkaari bank aaiseebeesi lagaataar doosare saal avval number par hai jabki chaayana construction bank doosare aur aigriklchar bank of chaayana paanchavein sthaan se chadhkar teesare sthaan par aa gaya. Sheersh 10 companiyon mein shesh companiyaan America ki raheen. barkashaayar haithave aur vels faargo donon chaar paayadaan chadhkar kramash: Paanchavein aur nauvein sthaan par pahunch gayi. JP maargan sarakakar chauthe sthaan par aa gayi kyonki usaka kul aankada aigriklchar bank of chaayana se kam raha. praudyogiki kshetr ki pramukh company eppal 15vein sthaan rahi, jiske baad finaanshal company Citigroup (16) aur oorja company shevaraun (18) ka sthaan raha.

Bhaarat Mein Vishv Ki 54 Sabse Badi Companiyaan Forbes http://www.angrejinews.com/pic/49962