Bhaarat Ko Tel Saplaai Sunishchit Karne Ke Liye Kareinge Harsambhav Prayaas Iran

Breaking »

Bhaarat Ko Tel Saplaai Sunishchit Karne Ke Liye Kareinge Harsambhav Prayaas Iran

Nai Delhi Iran ne kaha hai ki vah Bhaarat ko tel ki saplaai sahi dhang se banaae rakhane ke liye poora prayaas karega . Iran ne kaha ki vah hamesha se Bhaarat ka ek bharosemand oorja saajheedaar raha hai. Irani dootaavaas ki or se yeh safaai up-raajadoot masood rejaavaaniyn raahaagi ki us tippani ke baad I hai, jismein unhonne kaha tha ki yadi Bhaarat ki or se tel ka aayaat kam kiya jaata hai to fir uske visheshaadhikaar kam kar diye jaaenge. Dootaavaas ne kaha ki Iran yeh samajhta hai ki Bhaarat ko asthir oorja baajaar mein deeling karne mein samasyaaon ka saamana karna padta hai. Yeh Bhaarat par hai ki vah oorja saajheedaaron ka chayan kare. Bhaarat apne bhoo-raajaneetik hiton aur tel aapoortikrta ke vishvasaneeyata ko dhyaan mein rakhate hue faisale le sakta hai. Irani dootaavaas ne kaha ki Iran ki or se Bhaarat ki tel aapoorti ki suraksha ki jaaegi. Iran ne kaha ki ham Bhaarat ko uchit daam par tel muhaiya karaate hue dwipaksheeya vyaapaar ko aage badhaaenge. Gaurtalab hai ki mangalvaar ko ek seminaar mein raahaagi ne kaha tha ki yadi Bhaarat ki or se Iran se kachche tel ki khareed mein kami ki jaati hai to uske visheshaadhikaar samaapt kar diye jaaenge. Unhonne Bhaarat ko chetaavani ke andaaj mein kaha tha ki yadi vah Iraq, Saudi arab, roos aur America jaise deshon se kachche tel ki khareed ke liye deal karta hai to yeh faisala liya jaaega. Bata dein ki America ne Iran par vyaapaarik pratibandh laga diye hain. Iske chalte kai deshon ko Iran se tel ki khareed mein samasyaaon ka saamana karna pad raha hai.

Bhaarat Ko Tel Saplaai Sunishchit Karne Ke Liye Kareinge Harsambhav Prayaas Iran http://www.angrejinews.com/pic/213524