Bhaarat Ko Sheersh Van-de Ranking Haasil Karne Ke Liye 5-0 Se Whitewash Ki Darkaar

Cricket »

Bhaarat Ko Sheersh Van-de Ranking Haasil Karne Ke Liye 5-0 Se Whitewash Ki Darkaar

Dubai: Bhaarat aur England ke beech paanch maichon ki ek-divseeya shrunkhala se number ek team ki daud bhi shuroo ho jaaegi aur Mahendra Singh Dhoni ki team ko Reliance ICC van-de championship mein dobaara number ek ranking haasil karne ke liye virodhi team se sabhi match jeetne honge. Bhaarateeya team shukravaar se Rajkot mein England ke khilaaf paanch maichon ki van-de shrunkhala ka shuruaati match khelegi aur maujooda ranking mein teesare sthaan par kaabij mejabaan team ko apna number ek sthaan dobaar haasil karne ke liye shrunkhala ke sabhi paanchon match jeetne honge. Shrunkhala mein 5-0 ki jeet se bhaarateeya team do paayadaan ki chhalaang lagaakar sheersh sthaan haasil kar sakti hai. England ki team bhi test ki shaanadaar firm ko van-de praaroop mein jaari rakhane ka lakshya banaae hogi aur 28 saal baad Bhaarat mein pehli shrunkhala jeetkar ranking mein number ek team ka sthaan majaboot karna chaahegi. Doosare sthaan par chal rahi dakshin Africa ki team bhi taalika mein oopar pahunch sakti hai jo 19 January se paarl mein New Zealand ke khilaaf teen maichon ki shrunkhala khelegi. Protiyaaj ki team sheersh par tabhi pahunch sakti hai, agar vah New Zealand ke khilaaf sabhi match jeet le aur bhaarateeya team shrunkhala jeet jaae lekin clean sweep karne mein asafal rahe. England ki team is samay doosari ranking par kaabij dakshin Africa se dashamlav ank se hi aage hai lekin agar vah shrunkhala jeet jaaegi to championship mein kaafi badhat haasil kar legi, bhale hi dakshin Africa-New Zealand aur Australia-Sri Lanka series (Melbourne mein shukravaar ko shuroo ho rahi) ka parinaam kuchh bhi rahe. ICC van-de ballebaaji ranking mein sheersh 10 mein shaamil saat khilaadi Bhaarat-England, Australia-Sri Lanka aur dakshin Africa-New Zealand shrunkhala mein kheleinge. Dakshin Africa ke haashim amla sheersh par jabki unke saathi AB DeVilliers doosare sthaan par hain. Bhaarat ke viraat Kohli teesare sthaan par hain aur bhaarateeya kaptaan Mahendra Singh Dhoni se 35 rating ank oopar hain. Kohli England ke khilaaf shaanadaar pradarshan se apna doosra sthaan hi haasil karne ki koshish naheen kareinge balki dakshin Africa ke van-de kaptaan par dabaav bhi banaana chaaheinge. Ummeed hai ki shrunkhala ke parinaamon ka Reliance ICC van-de geindabaaj ranking ke sheersh sthaanon mein bahut kam badlaav hoga, jismein number ek ranking par Pakistan ke Sayyed Ajmal kaabij hain aur doosare sthaan par apne saathi mohammad hafeej par achhi badhat banaae hain. Sheersh 10 mein se paanch geindabaaj in teenon shrunkhalaaon mein kheleinge jismein lonavaabo sotasobe, morni Morkel, steven fin, aar Ashwin aur Dale sten shaamil hain.

Bhaarat Ko Sheersh Van-de Ranking Haasil Karne Ke Liye 5-0 Se Whitewash Ki Darkaar http://www.angrejinews.com/pic/261