Bhaarat Ki Sakht Visa Neeti Se PCB Cheef Ko Hai Shikaayat

Cricket »

Bhaarat Ki Sakht Visa Neeti Se PCB Cheef Ko Hai Shikaayat

Kolkata Pakistan cricket board (PCB) ke adhyaksh najam sethi ne daava kiya ki Bhaarat ki 'Sakht' visa neeti ke kaaran yahaan chal rahi ICC ki baithak mein bhaag lene ke liye unhein kaafi lambi yaatra karni padi. Sethi ke daave ko haalaanki videsh mantraalaya ne yeh kehte hue khaarij kar diya ki 'Yeh koi badi baat naheen hai. ' sethi ne daava kiya ki Lahore se Kolkata pahunchane mein unhein 19 ghante lag gaye. Sethi ne bataaya, 'Yahaan pahunchane mein mujhe 19 ghante lage aur is dauraan mujhe kaafi asuvidha aur kathiniyon ka saamana karna pada. Agar hamein sahi tareeke se visa mile, to Lahore se yahaan pahunchane mein sirf 2 ghante ka samay lagega. ' cheen ke daure par gaye videsh mantraalaya ke pravakta raveesh Kumar ne kaha ki sabhi visa aavedanon ko tay prakriya se gujarana hota hai. Unhonne kaha, 'Yeh koi badi baat naheen. Iske liye ek prakriya hai, jiska paalan donon deshon ke logon ko karna hota hai. Jab koi bhaarateeya Pakistan ki yaatra par jaata hain, to unhein bhi tay prakriya se gujarana hota hai. ' Raveesh ne kaha, 'Vah (sethi) yahaan kisi khaas vajah se aae hain, Kolkata mein ek baithak mein bhaag lene. Isliye unhein ek shahar ka visa diya gaya hai. Vah shikaayat kar sakte hain ya kuchh bhi kah sakte hain, lekin is mein kuchh bhi naya naheen hai. ' sethi ke saath PCB ke doosare adhikaari kal der raat yahaan pahunche. Sethi ne kaha, 'Visa niyam itne sakht hain ki ham Pakistan se seedhe Delhi ya Kolkata naheen aa sakte. Mujhe Lahore se dubai jaane wala vimaan lena pada aur fir vahaan se Kolkata ka. ' PCB ka koi pratinidhimandal 2015 ke baad pehli baar Bhaarat aaya hai. 2015 mein pratinidhimandal donon deshon ke beech dwipaksheeya cricket sambandhon ko bahaal karne ko lekar baatcheet ke liye yahaan aaya tha.

Bhaarat Ki Sakht Visa Neeti Se PCB Cheef Ko Hai Shikaayat http://www.angrejinews.com/pic/202249