Bhaarat Ki Pragati Ka Kaarya Jaari, Abhi Safar Lamba Manmohan Singh

Breaking »

Bhaarat Ki Pragati Ka Kaarya Jaari, Abhi Safar Lamba  Manmohan Singh

Manmohan Singh ki file tasveer Manmohan Singh ki file tasveer Nai Delhi: yojana aayog mein apne vidaai sambodhan mein pradhaanamantri Manmohan Singh ne Budhvaar ko kaha ki Bhaarat ki aarthik pragati ka kaarya jaari hai aur is disha mein abhi kaafi lamba raasta tay kiya jaana baaki hai. Manmohan Singh ne yojana aayog ke sadasyon ke saath apni aakhiri baithak mein kaha, Bhaarat ki vikaas ki kahaani ka kaarya pragati par hai. . . Lekin is disha mein abhi kaafi lamba raasta tay kiya jaana baaki hai. Manmohan Singh aayog ke adhyaksh hain. Unhonne apne sambodhan mein kaha ki yojana aayog ko vaishveekaran ke nae daur mein apne ko saarthak banaae rakhane ke liye nae roop mein dhaalana chaahiye. pradhaanamantri ne aayog ke saath apne lambe judaav ko yaad karte hue kaha, arthavyavastha lagaataar adhik khuli aur udaareekrut ho rahi hai tatha baajaar tantr par nirbharata uttarotar badh rahi hai, aise mein yojana aayog sochana hoga ki is nai duniya mein usaki bhoomika kya honi chaahiye. UPA ke 10 varsh ke shaasanakaal ke dauraan aayog ke kaamkaaj par santosh vyakt karte hue pradhaanamantri ne ummeed jataai ki yojana aayog apne ko aalochanaatmak sameeksha ke liye prastut karega aur sarkaar ki neetigat charchaaon tatha hamaare desh ke vikaas mein agrani bhoomika nibhaata rahega. Manmohan ne baithak mein kaha ki badalate aarthik parivesh mein aayog ko samasyaaon aur chunautiyon ke prati apne drushtikon ka moolyaankan karna chaahiye. unhonne baithak mein kuchh mudde uthaate hue kaha, hamein yeh dekhna hoga ki kya ham abhi vahi upakaran aur drushtikon apanaae hue hain, jo doosare jamaane ke liye design kiye gaye the? Kya humne aayog ki paramparaagat gatividhiyon ka punargathan kiye bina hi usamein nae kaam jod diye aur nai paratein chadha di hain. pradhaanamantri yojana aayog se pehli baar April 1980 mein sadasya sachiv ke roop mein jude the. Rajiv Gandhi ki sarkaar ke samay vah aayog ke upaadhyaksh the. Sihan ne varsh 1991 se 1996 ke beech vitt mantri ke taur par apne dinon ko yaad karte hue kaha ki tab unhein yojana aayog ke tatkaaleen upaadhyaksh aur vartamaan mein raashtrapati Pranab mukharji ka 'Bharpoor sahayog' mila tha.

Bhaarat Ki Pragati Ka Kaarya Jaari, Abhi Safar Lamba Manmohan Singh http://www.angrejinews.com/pic/49119