Bhaarat Ki Nai Sarkaar Ke Saath Kaam Karne Ke Liye Utsuk Barack Obama

Breaking »

Bhaarat Ki Nai Sarkaar Ke Saath Kaam Karne Ke Liye Utsuk Barack Obama

Washington: ameriki raashtrapati Barack Obama Bhaarat mein nai sarkaar ke gathan ko lekar utsuk hain aur unhonne nai Delhi ke saath milkar kaam karne ka nishchaya doharaaya hai. Obama ne somvaar ko ek bayaan mein kaha, 'Chunaav ke parinaamon ki ghoshana hone ke baad nai sarkaar ke gathan ko lekar tatha aane vaale varshon ko parivrtanakaari banaane ki khaatir Bhaarat ke nae prashaasan ke saath mil kar kaam karne ke liye ham utsuk hain. ' Bhaarat mein Loksabha chunaav ke liye matadaan kal samaapt hua hai aur safal chunaav ke liye Obama ne Bhaarat ki janta ko badhaai di. unhonne kaha 'Raashtreeya chunaav sampann hone par main Bhaarat ki janta ko badhaai deta hoon. Bhaarat ne itihaas mein sabse bade lokataantrik chunaav sampann kar duniya ke saamane ek udaaharan pesh kiya hai. . . Yeh vividhta aur svatantrata ke hamaare saajha moolyon ka jeevant pradarshan hai. ' sansad ke kareeb 543 sadasyon ko chunane ke liye 50 karod se adhik bhaarateeya matadaataaon ne apne mataadhikaar ka upayog kiya aur nirvaachit sansad sadasya nae pradhaanamantri ka chayan kareinge. matadaan samaapt hone ke baad kai egjit pol jaari kiye gaye jisse sanket milta hai ki bhaajapa ki aguvaai mein raajag sarkaar banaaega kyonki 16 May ko parinaamon ki ghoshana hone par party ke, apne pradhaanamantri pad ke ummeedavaar Narendra Modi ke netrutv mein akele sabse bade dal ke taur par ubharane ki sambhaavana hai. pichhle ek dashak mein desh par shaasan karne waali Congress ko kareeb 100 seatein milne ka anumaan jataaya gaya hai. Nivartamaan pradhaanamantri Manmohan Singh is saal ke shuroo mein hi ghoshana kar chuke hain ki vah teesara kaaryakaal naheen chaaheinge. Obama ne apne bayaan mein kaha ki pichhle dashakon ke dauraan donon deshon ke beech party line se hat kar majaboot mitrata viksit hui hai. unhonne kaha 'America aur Bhaarat ke beech pichhle do dashakon ke dauraan majaboot mitrata aur vyaapak bhaageedaari viksit hui hai jisse hamaare naagrik aur adhik surakshit tatha samruddh hue hain. Iske kaaran, vaishvik chunautiyon ke samaadhaan ke liye miljulakar kaam karne ki hamaari kshamata bhi badhi hai. '

Bhaarat Ki Nai Sarkaar Ke Saath Kaam Karne Ke Liye Utsuk Barack Obama http://www.angrejinews.com/pic/50421