Bhaarat Ke Saath Ashes Jaisi Shrunkhala Khelna Chaahata Hai PCB

Cricket »

Bhaarat Ke Saath Ashes Jaisi Shrunkhala Khelna Chaahata Hai PCB

Kolkata: Pakistan cricket board ke adhyaksh jaka Ashraf ne guruvaar ko kaha ki Bhaarat aur Pakistan ke beech ashes jaisi cricket shrunkhala honi chaahiye. Ashraf ne kaha, ''Humne iske baare mein socha hai. BCCI ke saamane yeh sujhaav rakha gaya hai ki kya Bhaarat aur Pakistan ke beech har saal ya har doosare saal mein ashes jaisi shrunkhala kheli ja sakti hai. '' unhonne kaha, ''Shrunkhala ka naam mohammad Ali jinna ya mahaatma Gandhi ke naam par rakha ja sakta hai. '' Unhonne kaha ki donon deshon ke beech aapasi samajh badhi hai aur donon sarkaaron ka rukh sakaaraatmak hai. Ashraf ne kaha, ''Donon deshon ke beech vyaapaarik sambandh sudhar gaye hain. Bhaarat ke apne aarthik hit hain aur Pakistan ke bhi. Donon ko isse faayda hoga. '' unhonne kaha ki vah aapasi samajh behtar karne ke liye BCCI adhyaksh N shreenivaasan ke saath milkar kaam kar rahe hain. Unhonne kaha, ''Ummeed hai ki bhavishya mein ham tej gati se aage badheinge. Jahaan bhi main jaata hoon to log poochhate hain ki kya Bhaarat ke saath aur match naheen ho sakte. '' unhonne ummeed jataai ki bhaarateeya team bhi jaldi hi Pakistan ka daura karegi. Unhonne kaha ki Bhaarat ke saath bhavishya mein match Pakistan ya tatasth sthaan par khele ja sakte hain.

Bhaarat Ke Saath Ashes Jaisi Shrunkhala Khelna Chaahata Hai PCB http://www.angrejinews.com/pic/49