Bhaarat ICC Ti-20 Ranking Mein Teesare Sthaan Par Barkaraar, Kohli Chhathe Sthaan Par

Cricket »

Bhaarat ICC Ti-20 Ranking Mein Teesare Sthaan Par Barkaraar, Kohli Chhathe Sthaan Par

Dubai: Bhaarat ne ICC ti-20 ranking mein apna teesara sthaan barkaraar rakha hai jabki viraat Kohli ballebaajon ki soochi mein chhathe sthaan par bane hue hain. ICC ti-20 championship taalika mein Bhaarat ke 119 ank hain aur vah teesare sthaan par hai. Ismein Sri Lanka pehle aur vishv ti-20 champion West Indies doosare sthaan par hai. Sri Lanka ke 131 rating ank hain aur vah kairebiyaai team se saat ank aage hai. Ballebaajon ki soochi mein Kohli 731 ank ke saath chhathe sthaan par bane hue hai jabki suresh raina 719 ank lekar nauvein sthaan par hain. Is soochi mein sheersh 20 mein shaamil anya bhaarateeya ballebaaj Yuvraj Singh (13) aur Gautam gambhir (17) hain. New Zealand ke wicket-keeper ballebaaj braindan McCollum taalika mein 794 ank lekar choti par hain. Unke baad West Indies ke kris Gale (792), Sri Lanka ke maahela jayavardhane (768) aur Australia ke Shane Watson (767) ka number aata hai. Geindabaajon ki soochi mein of spinner Ravichandran Ashwin (16) sheersh 20 mein shaamil akele bhaarateeya geindabaaj hain. Pakistan ke Saeed Ajmal is varg mein sheersh par hain.

Bhaarat ICC Ti-20 Ranking Mein Teesare Sthaan Par Barkaraar, Kohli Chhathe Sthaan Par http://www.angrejinews.com/pic/1404