Bhaarat-England Van-de Cricket Ke Liye Dharmashaala Ne Kasi Kamar

Cricket »

Bhaarat-England Van-de Cricket Ke Liye Dharmashaala Ne Kasi Kamar

Dharmashaala: Bhaarat aur England ke beech antim van-de ke saath apne pehle antararaashtreeya cricket match ki mejabaani ko taiyaar dharmashaala mein jashn ka maahaul hai. Bhaarat haalaanki pehle hi shrunkhala mein 3-1 ki Ajay badhat le chuka hai aur yeh match mahaj aupachaarikta hai. England ke prashansakon ne yahaan aana shuroo kar diya hai. BCCI adhikaari bhi shrunkhala ke samaapan samaaroh ke liye jut rahe hain. Raajya ke sabhi 67 vidhaayak match dekhne aa rahe hain, jabki mukhya mantri veerabhadr Singh aur dalaai laama mukhya atithi honge. Match ravivaar ko hone ke kaaran padosi raajyon Punjab, Haryana aur Delhi se bhi kaafi paryatakon ke liye match dekhne aane ki ummeed hai. Dharmashaala mein 56 panjeekrut hotel aur guest house hain, jismein 1100 logon ke thaharane ki vyavastha hai. Dharmashaala se aath kilometer door McLeodganj mein lagbhag 90 panjeekrut hotel hain, jinmein 2000 log thahar sakte hain. Iske alaava yahaan lagbhag ek darjan sarkaari guest house bhi hain. McLeodganj ke ek hotel ke maalik sanjeev Gandhi ne kaha, is match ke liye hamaare hotel ke sabhi kamre ek saal pehle hi book ho gaye the. Prashaasan rahane ki vyavastha ke alaava vaahanon ki parking ko lekar bhi chintit hai. Is match ke adhikaariyon aur khilaadiyon ke liye koi pareshaani naheen hogi, kyonki unke liye pavilion ka rihaayashi parisar lagbhag taiyaar hai. Ismein aayaatit lakdi se 32 kamre banaae gaye hain. Shimla aur Chandigarh se 250 kilometer door is stadium ki kshamata 21500 darshakon ki hai.

Bhaarat-England Van-de Cricket Ke Liye Dharmashaala Ne Kasi Kamar http://www.angrejinews.com/pic/387