Bhaajapa Neta Arun Jetali Ne Manmohan Singh Ki 'Sayaana Aadmi Bataakar Ki Taareef

India »

Bhaajapa Neta Arun Jetali Ne Manmohan Singh Ki 'Sayaana Aadmi Bataakar Ki Taareef

File photo File photo Nai Delhi: vibhinn muddon ko lekar unhonne bhale hi ek doosare ke khilaaf talavaarein kheenchi hon, lekin varishth bhaajapa neta arun jetali ne mangalvaar pradhaanamantri Manmohan Singh ki taareef ki aur kaha ki pradhaanamantri ki vyaktigat nishtha hamesha sandeh se pare rahi hai. jetali ne Manmohan Singh ko 'Sayaana aadmi' bataate hue kaha ki vidvata ke saath vah hamesha apne samaksh aane vaale vishyon par poori jaankaari rakhate the aur poori taiyaari ke saath baat karte the. Manmohan Singh Rajyasabha mein sadan ke neta hain aur jetali uchch sadan mein vipaksh ke neta hain. jetali ne kaha ki samprag sarkaar ko das saal tak netrutv muhaiya karaane ke baad jab ki parada girne ja raha hai, pradhaanamantri 'Garima aur shishtata ke saath vida ho rahe hain. ' unhonne apne blaag par likha, vah ek varishth raajaneta bane raheinge aur ek vishvasneeya vyakti ke roop mein raashtra ka maargadarshan karte raheinge. Yadi vah sahi samay par khade hue hote aur asahamatiyaan jataayi hoti to aur bhi sammaan paate. unhonne kaha ki Singh kuchh aisi vishesh paristhitiyon ke kaaran pradhaanamantri bane the jinmein Congress adhyaksh soniya ko is pad ke liye apna naam vaapas lene liye majaboor kar diya tha. unhonne kaha, 'Vah aksharash: Soniya ji dvaara ghoshit pradhaanamantri the. Unhein kuchh seemaaon ke bheetar hi kaam karna pada. ' jetali ne likha, '. . . Jab bhi unhonne raashtra ko sambodhit kiya, vah kabhi bhi ek neta ke roop mein saamane naheen aae. Ek neta ke roop mein saamane naheen aane ka kaaran saaf tha. Vah kabhi bhi takaraav naheen chaahate the. Unhein pata tha ki unhein seemit shaktiyaan di gayi hain aur sabhi mahatvapoorn faisalon par unhein party tatha uske pratham parivaar ko khush rakhana hai. '

Bhaajapa Neta Arun Jetali Ne Manmohan Singh Ki 'Sayaana Aadmi Bataakar Ki Taareef http://www.angrejinews.com/pic/50452