Bhaajapa Ne Ginaae Varanasi Ke Nirvaachan Adhikaari Ke Pakshapaati Hone Ke Kaaran, Hataane Ki Maang Ki

Breaking »

Bhaajapa Ne Ginaae Varanasi Ke Nirvaachan Adhikaari Ke Pakshapaati Hone Ke Kaaran, Hataane Ki Maang Ki

Nai Delhi: Varanasi shahar mein Narendra Modi ko 8 May ko beniyaabaag mein sabha karne ki anumati naheen diye jaane se naaraaj bhaajapa ne vahaan ke nirvaachan adhikaari ko 'Atyadhik pakshapaati aur prachaar mein baadha' bataate hue chunaav aayog se unhein turant hataane ki maang ki hai. Rajyasabha mein neta pratipaksh arun jetali ne is sambandh mein chunaav aayog ko Budhvaar ko likhe patra mein kaha ki 'Varanasi sansadeeya kshetr' ke nirvaachan adhikaari praanjal Yadav itne adhik pakshapaati hain ki agar vah apne pad par bane rahe to is sansadeeya kshetr mein nishpaksh evam svatantr chunaav karaana sambhav naheen hoga. unhonne kaha, 'Vah (Yadav) atyadhik pakshapaati evam prachaar mein baadha hain. Aayog se aagrah hai ki vah maamale ki jaanch karaae aur unhein aise nirvaachan adhikaari se badle jo aayog ki nigaah mein nishpaksh evam svatantr ho. ' ullekhaneeya hai ki Varanasi seat se bhaajapa ke pratyaashi Modi ki kal guruvaar ko shahar ke beniyaabaag aur rohaniya mein chunaavi sabhaaen honi theen, lekin nirvaachan adhikaari ne 'Suraksha' tatha 'Beniyaabaag ke pehle se book hone' ke naam par vahaan bhaajapa ke pradhaanamantri pad ke ummeedavaar ko sabha ki anumati naheen di. jetali ne apni shikaayat mein aayog se kaha ki Yadav ke is tark mein koi dam naheen hai ki beniyaabaag ko 'Kisi NGO ke kisi Khan' ne raashtreeya dhvaj faharaane ke liye pehle hi book kara liya hai isliye use Modi ki sabha ke liye naheen diya ja sakta hai. bhaajapa neta ne ise 'Haasyaaspad' bataane ke saath daava kiya ki is 'Mistar Khan ne vah sthal book karaane ke liye koi rakam jama naheen karaai hai jo niymaanusaar jaroori hai. Lekin nirvaachan adhikaari ne uske aavedan par likh diya ki vah Khan ko rakam jama karaane se chhoot dete hain. ' jetali ne kaha ki baad mein Yadav ne tark diya ki khufiya bureau ki report hai ki vah sthal Modi ki sabha ke liye surakshit naheen hai. Unhonne kaha ki isse saabit ho jaata hai ki 'Nirvaachan adhikaari ka ekamaatr uddeshya Modi ko Varanasi shahar mein sabha karne se rokana hai. ' Modi ki 8 May ko hi anya rally rohaniya mein honi hai, jo shahar se kaafi door hai. Varanasi Loksabha seat ke liye 12 May ko matadaan hoga. jetali ne Yadav par bhaajapa se bhed-bhaav baratne ka aarop lagaate hue kaha ki unhonne matadaataaon ko baanti jaane waali bahut saari votar slip vaapas le li hain. Unhonne kaha ki iske alaava Modi ke prachaar mein parche baantane vaale 27 bhaajapa kaaryakartaaon ko nishedhaagya ke ullanghan mein aarop mein dhaara 144 aur 188 ke tahat giraftaar kiya gaya. bhaajapa neta ne kaha ki in dhaaraaon ke tahat giraftaar logon ko kuchh der baad niji muchalake par chhod diya jaata hai, lekin is maamale mein un logon ko dhaai din baad aur vah bhi pratyek se dhaai lakh ke muchalake aur itni hi raashi ki jamaanat par chhoda gaya. bhaajapa pravakta nirmala seetaaraman ne Varanasi prashaasan ke is nirnaya ko 'Poornat: Asveekaarya' bataate hue kaha ki aisa pehli baar hua hai ki ek ummeedavaar ko uske chunaav kshetr mein rally karne se mana kiya gaya hai. seetaaraman ne aarop lagaaya, 'Sapa aur jila prashaasan ke beech alikhit samjhauta hai. Anyatha, prashaasan ek ummeedavaar ko uske hi chunaav kshetr mein rally karne se kaise rok sakta hai? Vah alikhit aadesh ka paalan kar raha hai. '

Bhaajapa Ne Ginaae Varanasi Ke Nirvaachan Adhikaari Ke Pakshapaati Hone Ke Kaaran, Hataane Ki Maang Ki http://www.angrejinews.com/pic/49881