Beti Ka Balaatkaar Karne Vaale Baap Ko Umrakaid

Breaking »

Beti Ka Balaatkaar Karne Vaale Baap Ko Umrakaid

Coimbatore: Tamil Nadu ke Coimbatore mein beti ka balaatkaar kar use do baar garbhavati banaane vaale 50 varsheeya vyakti ko umrakaid ki saja sunaai gayi. Mahila adaalat ke nyaayaadheesh MP subrahmaniym ne abhiyukt autorickshaw driver palaanisaami ko saat saal ke kathor kaaraavaas ki saja bhi sunaai. Usane beti ko is aparaadh ka pardaafaash karne par dushparinaam ki dhamaki di thi. Donon saja saath-saath chalegi. Abhiyojan ke anusaar palaanisaami varsh 2007 se hi 17 varsheeya apni beti ka balaatkaar kar raha tha. Ladki ki maan ek niji factory mein kaam karti thi aur usaki aksar raat ki duty lagti thi. Jab vah kaam par chali jaati thi tab vah usaka balaatkaar karta tha. Pita ki ghinauni harkat se aajij aakar ladki ne 2009 mein police mein shikaayat darj ki aur kaha ki usaka ek baar garbhapaat ho gaya aur doosari baar operation kar bhroon nikaala gaya.

Beti Ka Balaatkaar Karne Vaale Baap Ko Umrakaid http://www.angrejinews.com/pic/436