Beech Baajaar Galat Tareeke Se Chhuaa, Maafi Maangane Ke Baad Pak Uchchaayog Karmi Ko Chhoda Gaya

Breaking »

Beech Baajaar Galat Tareeke Se Chhuaa, Maafi Maangane Ke Baad Pak Uchchaayog Karmi Ko Chhoda Gaya

Nai Delhi Pakistan uchchaayog ke ek karmachaari par ek mahila ne galat tareeke se chhoone ka aarop lagaaya hai. Delhi police ne somvaar ko bataaya ki ghatna ke baad donon ko sarojani nagar thaane laaya gaya. Poochh-taachh ke dauraan usane mahila se maafi maang li, jiske baad use chhod diya gaya. Ghatna ravivaar ki hai jab mahila ne police mein apni shikaayat mein kaha ki Pak karmachaari ne use baajaar mein galat tareeke se chhuaa. Haalaanki, Pak karmachaari ne mahila ke aaropon ko khaarij kiya hai. Karmachaari ne kaha ki baajaar mein bhaari bheed hone ki vajah se galati se usaka haath mahila ko sparsh kar gaya tha. Ek varishth police adhikaari ne kaha ki karmachaari ne mahila se maafi maangi jiske baad maamala sulajh gaya hai. Aisi khabarein theen ki karmachaari ko hiraasat mein liya gaya hai jisse police ne inkaar kiya hai.

Beech Baajaar Galat Tareeke Se Chhuaa, Maafi Maangane Ke Baad Pak Uchchaayog Karmi Ko Chhoda Gaya http://www.angrejinews.com/pic/247762