Baukhalaae Choohe Ki Tarah Daud Rahi Hai BJP Priyanka Gandhi

Breaking »

Baukhalaae Choohe Ki Tarah Daud Rahi Hai BJP  Priyanka Gandhi

Raayabareli: BJP dvaara raabart vaadra ki sampatti ko lekar savaal uthaae jaane par palatavaar karte hue Priyanka Gandhi ne kaha ki BJP bokhalaae choohe ki tarah daud rahi hai. Priyanka ki yeh tippani BJP dvaara 'Daamaad shri' naam ki film aur pustika jaari kar raabart vaadra ki sampatti ko lekar Gandhi parivaar par kiye teekhe hamle ke baad I hai. Priyanka ne kaha, 'Mujhe maaloom tha chunaav ke ek do din pehle inke jhoothon ka silsila doharaaya jaaega. Ismein kuchh naya naheen hai, inko karne deejiye. . . Jitna karna chaahein karein, main inasein naheen darati hoon. Main kisi se naheen darati hoon. Main inki vinaashak, nakaaraatmak, sharmanaak raajaneeti ke khilaaf bolti rahoongi, main chup naheen rahoongi. ' isse pehle, raayabareli mein apni maan soniya Gandhi ke liye chunaav prachaar kar raheen Priyanka Gandhi ne Narendra Modi par ek baar fir nishaana saadha hai. Priyanka ne Modi ka naam liye bina kaha ki is desh ko chalaane ke liye 56 inch ka seena naheen, balki dariyaadili chaahiye. . . Apni kshamataaon ka baahari pradarshan naheen, balki bheetari drudhata chaahiye. Ise chalaane ke liye satta ka kroor bal naheen, ek naitik shakti chaahiye. unhonne logon se kaha ki yeh mahaatma Gandhi ka desh hai. Desh ki sanskruti aur siddhaanton ki hifaajat karna aapka kartavya aur mere parivaar ka dharm hai. mahilaaon ko sambodhit karte hue Priyanka ne kaha ki Rahul Gandhi mahilaaon ko shakti dena chaahate hain, unka aatmavishvaas badhaana chaahate hain. Unhonne appeal ki ki jab log vote karne jaaen, to Bhaarat ko majaboot karne jaaen. Ullekhaneeya hai ki Narendra Modi ne pichhle dinon UP mein chunaavi sabha mein kaha tha ki UP ko Gujarat mein tabdeel karne ke liye 56 inch ka seena chaahiye. is baar ke aam chunaav ko mahatvapoorn bataate hue Priyanka Gandhi ne kaha ki is baar logon ko desh ko majaboot karne ke liye aur iski ekta banaae rakhane ke liye vote dena hai. Unhonne kaha, yeh chunaav aisa chunaav naheen hai, jiske liye aap apne najariye ko seemit rakhein, najariye ko kholiye. Aapko tay karna hai ki aap kaisa desh chaahate hain. unhonne logon se kshetreeyata se oopar uthane ki appeal karte hue kaha, yeh chunaav ek kshetr tak seemit naheen hai. Aap keval ek saansad ka chunaav karne naheen ja rahe hain, balki nai sarkaar ka chunaav karne ja rahe hain. Unhonne kaha, apna vote dene se pehle aap na sirf apne kshetr bachchon ke bhavishya aur parivaar ke baare mein sochein, balki poore desh ke baare mein sochein. Aap ka nirnaya keval soniya ji ke liye hi naheen hai, balki poore desh ke liye hai.

Baukhalaae Choohe Ki Tarah Daud Rahi Hai BJP Priyanka Gandhi http://www.angrejinews.com/pic/48785