Bas Chalaate Vakt Park Mein Kapal Ko Dekhne Laga Driver, Vain Mein Maari Takkar

Breaking »

Bas Chalaate Vakt Park Mein Kapal Ko Dekhne Laga Driver, Vain Mein Maari Takkar

Durgaapur/Kolkata Pashchim Bengal ke durgaapur mein ek bas aur pik-ap vain mein takkar ho gayi. Savaariyon se bhari bas chala raha driver kathit taur par raaste mein park mein premi jode ko dekhne mein mashagool ho gaya aur saamane se aa rahe pikap vain mein laaparavaahi se takkar maar baitha. Durghatana mein 10 log ghaayal ho gaye, jismein se 3 ki haalat gambhir bani hui hai. Ghatna ke pratyakshadarshi aur mini bas mein savaar sukumaar adhikaari ne ghatna ki jaankaari dete hue bataaya, 'Bas durgaapur station se city center ki taraf aa rahi thi. Troika park area mein pahunchane ke baad driver ka dhyaan park mein kapal ke niji palon ki taraf chala gaya aur vah unhein dekhne mein mashagool ho gaya. Usane saamane se aa rahe pikap vain ko notice naheen kiya aur takkar ho gayi. ' Takkar ki vajah se pikap vain ke driver mohammad Ashraf gambhir roop se ghaayal ho gaye aur unka hauspitl mein ilaaj chal raha hai. Unhonne kaha, 'Main lagaataar haurn diye ja raha tha, lekin driver ne suna hi naheen. Mainne bachane ki poori koshish ki, lekin takkar ko taal naheen naheen saka. ' haadase ke baad bas ke driver ne bhaagane ki koshish ki, lekin logon ne use pakad liya aur police ko saunp diya. City center ke raaste mein do park padte hain, jismein se ek troika park hai to doosra science end enarji park. Donon hi park premi jodon ka adda hai. Yahaan kai kapal antarang pal bhi bitaate hain. Sthaaneeya logon ke anusaar aane-jaane vaale log kai baar park ke kinaare khade hokar taank-jhaank karte hain. Log apni baaik aur car ko rok kar kapal ki aiktiviti ko dekhte rahate hain. Is khabar ko baangla mein padhein.

Bas Chalaate Vakt Park Mein Kapal Ko Dekhne Laga Driver, Vain Mein Maari Takkar http://www.angrejinews.com/pic/206097